Print this page

AMTL Husu MP Prosesa Kazu Hasoru Profisionál Saúde Iha Suai Tuir Dalan Legal

Tempotimor (Dili) - Asosiasaun Professional Saúde Timor-Leste (AMTL sigla Portugues) husu ba Ministériu Saúde (MS) ho Ministériu Públika (MP) hodi prosesa kazu hasoru profisionál saúde Jubelino Dogratia C. de Jejus, tuir dalan legal.

Professional saúde nu’udar Médiku Geral no Médico Coordenador ba Quarentena Polo Suia, Covalima, Médico Vigilansia Munisípiu Covalima, drskonfia halo asediu sexuall no ameasa hasoru, Olga Benevides Moniz, Medika Jerál iha postu saúde Laulara, tuir dalan legal.

Prezidente AMTL, Jose Dionizio Ximenes deklara, husu ba entidade no Sosiedade Sivíl iha Timor-Leste atu akompaña nafatin prosesu legal,

Nune'e bele exekuta tuir normas legal, ne'ebé profissional no transparente, hodi nune'e asaun brutalizmu no premanizmu ho agresau fizika no asediu sexual ba populasaun, liuliu profissional saúde sira, la bele akontese tan iha nasaun RDTL.

"Ami mós fó tempu loron 3 hahú oras ida ne'e, ba Ministériu Saúde no Ministériu Públika hodi prosesa kazu Suai ba dalan legal no buka husu deskulpa ba profisionál saúde, karik liu loron ida ne'e, ami sei halo asaun pasifiku hodi ezije ami-nia direitu protesaun tuir kovensaun direitu umanu no Konstuisaun RDTL", dehan Jose Dionizio iha sede Bidau Toko Baru, kuarta (21/04)

Nune'e hahalok krime sira ne'e mós akontese ona iha tempu pasadu hanesan iha HNGV, iha Maubisse, Ainaro ne'ebé baku profisionál saúde (Médiku), iha Baukau to'o rezulta pesoal saúde balun liman kotu.

Iha fatin kuarentena halo presaun psikolojika ba pesoál saúde nune'e fatin seluk tan iha rai doben Timor-Leste.

"Maibé, ami hili dalan nonok hodi halo mós reflesaun no avaliasaun ba ami-nia servisu profisionál, hodi hadi’a-an internamente, atu fó servisu di'ak liután iha futuru.

Maibé, nu’udar umanu espresa sentimentu tristeza, boot ida no laran susar tebes no solidaridade ba maluk médiku na'in-rua ne'ebé foin hetan agresaun.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items