Login to your account

Username *
Password *
Remember Me

 Susar Dezobedese Regra EE fó Solidariedade ba Xanana, PNTL Notifika

Líder Klibur Tane A’as Obra Maun Boot Kay Rala Xanana Gusmão, Amaro da Costa ‘Susar’ wainhira fo solidaridade ba Prezidente CNRT, Kay Rala Xanana Gusmao iha prokuradoria Jeral da Republika iha Kolmera. Segunda (29/3) Líder Klibur Tane A’as Obra Maun Boot Kay Rala Xanana Gusmão, Amaro da Costa ‘Susar’ wainhira fo solidaridade ba Prezidente CNRT, Kay Rala Xanana Gusmao iha prokuradoria Jeral da Republika iha Kolmera. Segunda (29/3) Foto Tempo Timor

Tempotimor (Dili)- Polísia Nasional Timor-Leste (PNTL), liuhusi Servisu Investigasaun Nasionál Kriminál (SIKN) notifika Amaro da Costa "Susar", tanba la obedese ba regra Estadu Emerjénsia (EE) no Konfinamentu Obrigatóriu (KO) ne'ebé governu hasai, durante fó nia solidariedade ba Kay Rala Xanana Gusmăo iha Ministériu Públiku (MP), segunda (29/03/2021).

Kazu dezobediensia ne'e, PNSIK notifika ho Númeru Kimninal (NUK), 21.26PNSIK.

Portavóz Komandu Jerál PNTL, Superintendente Polísia, Arnaldo de Araújo hatete, iha regra Estadu Emerjénsia, ema hotu obrigatoriamente tenke kumpri dekretu governu númeru 36/2020 - 02 Marsu 2021, junta ho rezolusaun governu númeru 15/2021, iha loron 15 Marsu tinan ne'e.

Maibé iha suspeitu balu ne'ebé PNTL suspeita sai hanesan autór ba mobilizadór massa no halibur ema hodi viola legalidade ne'ebé previstu iha paragrafu previu perante maun boot Kay Rala Xanana Gusmăo nia prezensa iha ministériu públiku.

"Tanba ne'e ohin loron kinta feira, 01 Abril 2021, tuku 09:00, PNTL liuhusi servisu Investigasaun Kiminal Nasional (SIK), notifika ona suspeitu na'in-rua ho inisial A no AD hodi halo identifikasaun dentru 12 oras de tempu tuir legalidade jurídiku ne'ebé preve iha dekretu lei númeru 19/2019, kódigu ba prosesu penál KPP, artigu 53 no junta ho dekretu lei númeru 13/2005, kódigu penál ba aktu dezobediensia ne'ebé previstu iha artigu 244”, esplika komandante Arnaldo liuhusi konferénsia imprénsa iha Komjer Kaikoli, kinta (01/04).

Hafoin presta deklarasaun, ba jornalísta sira, Líder Klíbur Tane Aas Obra Maun Xanana (KTAOMX), Amaro da Costa "Susar" dehan, nia prezensa iha Komandu jerál PNTL, la’ós tanba komete nia kazu ruma, maibé fó de’it nia deklarasaun bazeia ba notifikasaun ne’ebé fó husi SIK.

"La’e, hanesan mai notifikasaun ba horseik, ba atu kumpri deklarasaun de'it. Nu'udár sidadaun, ita tenke kumpri investigasaun kriminal sira bolu, ita tenke ser mai foti deklarasaun, agora ita tenke foti”, dehan Susar iha komandu jerál PNTL Kaikoli, kinta (01/04).

Iha prosesu investigasaun kuaze oras ida ho balun, hahú husi tuku 09:03 to’o 10:04 otel, hato'o de'it nia deklarasaun ligadu ho nia ho membru sira-nia solidariedade ba Kay Rala Xanana iha MP, no laiha tan buat seluk ne'ebé nia komenta ho investigadór sira SIK nian.

"La’e, la’e, laiha kazu. Tanba momentu ne'e iha dia 29 Marsu ne'e katuas Xanana ba iha ministériu públiku, ami nu'udár solidaridade ba maun boot Xanana. Ami mós ba ida ne'e de'it, laiha tan problema ida, obrigadu", deklara Susar.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter