Advogadu privádu, Octavio Cardoso, nu'udár defeza ba arguidu na'in-7 nian dehan, iha prosesu interrogatóriu ne'e, tribunàl aplika medida koasaun prizaun preventiva ba arguidu sira.

"Alende ne'e, aplika mós medida koasaun aprezentasaun periódika ba arguidu nain 4, no arguidu na'in-3 prizaun preventiva, tanba iha indisius forte ba kríme lima ne'ebé mak fó mai husi ministériu públiku”, hatete Octavio, nu'udár defeza ba arguidu na’in-7 nia kazu iha TDD, sesta (26/03).

Advogadu privádu ne'e dehan, bainhira sei iha hela faze investigasaun tenke halo diferensia entre primeiru interrogatóriu ho julgamentu normal, tanba nia iha indisius de'it.

“Entaun ho razaun ba iha medida koasaun ne'e atu hatete de'it katak relasiona ho futuru karik iha perturbasaun ba prosesu investigasaun, ba arguidu sira, ho ida ne'e mak atu hatete katak, medida koasaun ne'ebé mak aplika, ha'u hanoin iha mós oportunidade ba defeza, karik sei haree filafali, tanba iha krime lima ne'ebé mak indika ba sira, indisius krime lima hanesan, eskestru, violasaun omesídiu, alende ida ne'e raptu, aksaun kriminoza, e ultimu krime maka uzudupasaun fuansoens", hatete nia hafoin rona desizaun Juiz sira nian ba arguidu sira iha ba TDD.

Kona-ba desizaun TDD nian ba arguidu sira, dehan, aseita ka la aseita, maibé prosesu ne'e iha posibilidade kestaun ba prosesu ne'ebé mak la'o dadauk, hanesan prosesu interrogatóriu, molok ne'e, atu intende katak iha prosesu ida ne'e sei iha investigasaun laran, hodi loke atu deklara ba arguidu sira katak loos duni sira envolve iha prosesu ne'e ka lae.

"Ida ne'e mak objetivu loke primeiru interrogatoriu. La'os hatete katak kastigu ona sira, laiha”, dehan nia.

Esplik, aprezentasaun periódika tuir despaixu ne'ebé iha, semana ida arguidu na'in-haat aprezenta aan dala-rua, ne'e la hatete katak labele promove sira ba prizaun preventiva, bainhira sira la kumpri.

Tanba, aprezentasaun periódika ne'e halo atu la’ó atu perturba prosesu investigasaun, maibé la'o nafatin, no ida ne'e la'ós desizaun, maibé despaixu diferente entre primeiru interrogatóriu, tanba nia hanesan sumáriu.

"Ne'ebé ne'e despaixu iha krime ne'ebé mak diferente. Tanba ne'e mak ne'e primeiru interrogatóriu ba prosesu ida ne'e. Ida ne'e mak hanesan faze investigasaun, presiza ita atu haree, to'o iha ne'ebá, parte defeza haree katak iha possibilidade mós bele halo rekursu, karik iha presíja haree mós ba parte sira ne'ebé mak relevantes”, hakotu.

Entretantu, iha prosesu primeiru interrogatóriu ne'e prezide husi juiz Titulár, Juiza Maria Solana, Ministériu Públiku (MP) substitui husi prokuradór, Rogério Vrigas ho Matias Soares, no arguidu sira ne'e hetan asisténsia legál husi advogadu privádu.(*)