GMPTL Lamenta Desizaun Tribunál Fó De'it TIR ba Autór Krime Omisídiu no Insestu

Prezidente Grupu Feto Parlamentares Timor-Leste (GMPTL), Deputada Lídia Norberta dos Santos Martins Prezidente Grupu Feto Parlamentares Timor-Leste (GMPTL), Deputada Lídia Norberta dos Santos Martins Foto Arkivu

Tempotimor (Dili)-Prezidente Grupu Feto Parlamentares Timor-Leste (GMPTL), Deputada Lídia Norberta dos Santos Martins, lamenta desizaun tribunál ne'ebé hatuun de'it medida koasaun Termu Indetidade Rezidénsia (TIR) ba autór ho insiál DSP ne'ebe oho nia feen iha Batugade, Postu Administrativu Balibo, Munisípiu Bobonaro.

Nia konsidera, atetude suspeitu DSP ne'e mosu tan ba Tribunal fo de'it TIR  iha kazu abuzu seksuál ba nia oan-feto rasik ne'ebe loloos tribunál tenke tetu didi'ak antes hasai desizaun, tanba fó ameasa ba vítima sira-nia vida.

Ho kestaun hirak ne'e, husu Tribunál bainhira fó medida koasaun TIR ba autór ho tipu krime grave, tenke tetu didi'ak, nune'e labele hamosu fali inseguransa no intensionál hodi fó fali ameasa ba vítima sira-nia vida.

"Tanba ne'e, GMPTL mós husu ba autoridade kompetente tenke tetu didi'ak desizaun antes hatuun medida koasaun TIR ba autór ho tipu krime grave, tanba husi kazu ida ne'e hatudu katak medida TIR fó espasu ba autór hodi halo movimentu livre, ameasa intensional no sempre kria inseguransa ba vítima sira," dehan nia liuhusi konferénsia imprensa iha Parlamentu Nasionàl, sesta (5/3).

GMPTL mos husu ba entidade tomak presiza respeita ema nia moris, liu-liu hakribitm aktu sira hanesan, violénsia seksuál, violénsia doméstika, inklui tipu violénsia sira seluk ne'ebe mak sempre rezulta ema hodi halakon vida.

Tanba ne'e, GMPTL husu ba sidadaun hotu-hotu atu respeita ema idak-idak nian direitu ba vida no direitu ba livre husi kualkér aktu violénsia iha família, sosiedade no nasaun.

Ikus liu, GMPTL enkoraja ba vítima husi kualkér violénsia atu ko'alia sai ka relata ba parte kompetente hodi bele defende sira-nia direitu no asegura tuir prosesu justisa ne 'ebe vigora iha Timor-Leste.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter