Login to your account

Username *
Password *
Remember Me

Hafoin Tá Nia Ferik-oan, Suspeitu FAB Halai Lakon

vitíma ne'ebe hetan ta husi nia kaben oras ne'e halo hela tratamentu saúde iha Hospital Nasional Guido Valadares (HNGV), Sexta (5/2) vitíma ne'ebe hetan ta husi nia kaben oras ne'e halo hela tratamentu saúde iha Hospital Nasional Guido Valadares (HNGV), Sexta (5/2) Foto Tempo Timor

Tempotimor (Dili)- Suspeitu ho inisiál FAB halai lakon hafoin tá kanek nia ferik-oan.

Kazu ne'e akontese iha loron sesta (05/02) maizumenus  entre tuku 4:45 to'o tuku 08:15, suspeiru ho inisiál FAB (nu'udar la'en) uza katana tá nia feen rasik ne'ebé rezulta kanek todan iha parte oin ho inus.

Kazu tentativa krime omisídiu ne'e akontese iha área Surikmas, Suku Manleuana, Postu Asministrativu Dom Aleixo, Munisípiu Dili.

Segundu Komandante PNTL Munisípiu Dili, Superintendente Polísia, Euclides da Costa Belo informa, hafoin akontesimentu ne'e polísia investigasaun to'o iha fatin akontesimentu, suspeitu halai-sees husi uma hela-fatin.

Ba oras ne'e daudaun PNTL Munísipiu Dili liuhusi seksaun investigasaun sei buka tuir hela suspeitu.

"Suspeitu dezvia tiha husi fatin, tanba ne'e komandu PNTL munisípiu Dili liuhusi seksaun informasaun nian nomós parte investigasaun nian sei buka tuir hela, depois kaptura, nia tenke responsabiliza ba aktu krime ne'ebé mak akontese," Euclides da Costa Belo, ko'alia iha nia kna'ar-fatin, Kaikoli, sesta (05/02).

Nia dehan, daudaun ne'e suspeitu ne'e ho nia númeru rejistu kriminál mak 0031/2021, maibé antes ne'e mós suspeitu ho inisiál FAB ne'e, sai mós vitima ba ninia ferik-oan rasik ba kríme ida fakar bee-manas ba nia katuas-oan FAB mak antes ne'e ho númeru rejistu kriminál 00660/20 iha área Dom Aleixo nian.

"Purtantu, seidauk halo sumáriu ba akontesimentu ida-ne'e, espera katak PNTL buka-tuir hela suspeitu para bele kaptura no submete ba prosesu investigasaun," dehan nia.

Nia hatutan, ba detallu akontesimentu ne'e, parte seksaun investigasaun liuhusi komunikasaun ativu ho estrutura KPK tanba suspeitu dezva tiha husi fatin.

"Keta ba nia família ou ba fatin seluk karik, ita sei buka-tuir hela para depois submete nia ba prosesu investigasaun," dehan Euclides Belo.

Euclides Belo konsidera viola mós lei númeru 05/2017 ne'ebé regula kona-ba bandu utiliza arma branka, tanba tá ninia ferik-oan rasik.

Entretantu, kondisaun vitíma nian oras ne'e halo hela tratamentu saúde iha Hospital Nasional Guido Valadares (HNGV). (*)

Rate this item
(3 votes)
Last modified on Wednesday, 20 October 2021 16:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter