Login to your account

Username *
Password *
Remember Me

Governu 'Akuza' Dileta - R2M Falsifika Printer Dileta

Tempotimor (Dili)-Governu Timor-Leste liuhusi Ministériu Interiór (MI) halo akuzasaun katak kompañia Delita ho ninia reperezentante R2M iha Timor Leste falsifikasaun no manipulasaun iha fornesimentu makina Printer vistu nian. Nune'e kazu ne'e rejistu ona iha PNSIK no daudaun ne'e enkamina ona ba Ministeiru Publiku.

Tuir Diretór Jerál Nasionál Imigrasaun Timor-Leste, Superentendente Asistente Luis Barreto katak, printer ne'ebé kompañia R2M fornese ba imigrasaun la'ós dileta, maibé epson.

 "Ha'u atu hato'o de'it katak, kazu ida ne'e loos duni, printer iha unidade 22, ne'ebé maka nia modelu Epson. Maibé sira taka merek ida Epson ne’e tau fali estiker dileta. Tan ida Printer Dileta ne’e  mak parte imigrasaun presiza duni atu halo imprimi ba viza ne'ebé maka imigrasaun atu emite ba. Maibé sira la halo fali pengadaan ba printer ida dileta ne'ebé maka iha espesifikamente kontratu ne'e iha, maibé sira pengadaan fali mai epson mas taka fali stiker dileta iha epson nia leten. Ho sasan sira halo manipulasaun no fasifikasaun ne’e, ami nia DJ sesante," dehan DJ Imigrasaun TL Luis Barreto iha nia knaar fatin, Segunda (1/2).

 Liga ba situasaun ne'e, DJ afirma, sasan ne'ebé iha ne'e kompañia R2M halo manipulasaun ka halo flasifikasaun.

 "Nune'e ami nia DJ sesante iha loron 2 Outubru 2020, halo kedas karta ida rezeita  materiál ba DNIS ne'ebé maka la tuir esplikasaun iha kontratu, hato’o ba kedas director kompania R2M. E depois iha ne'ebá kedas sira halo fali karta responde ba DJ  nia karta rezitasaun ne'e, sira dehan katak sasan sira ne'e orijinál. Sasan sira ne'e sira la halo manipulasaun. Sira dehan katak buat ne'e tuir regras, tuir kontratu ne'ebé mak iha. Maibé buat ne'ebé, maka sasan ne’ebe ami simu, sasan sira ne'e iha ne'e hela, sasan sira ne'e hakerek momos epson, maibé sira taka tia estiker husi epson nia kulit ne'e tau tiha dileta," Luis esplika.

 Liu tan nia esplika katak sira nia parte halo ona teste ba ekipamentus sira ne’e.

 “Ami koko printer, ne'e sai epson la'ós sai dileta, tanba ita hatene katak printer ida dileta ne'e nia folin ne’e karun teb-tebes, depois ida ne'e iha espesiálidade printer ida ne’e ba viza esticker nian duni.”

 Diretór ne'e akresenta, “kuandu Epson, ida ne'ebé pengadaan mak sira fó mai, ne’e (folin) kala montante ne’e Duzentus resin (US$200) resin de'it, ne’e makina nia folin, ho ida ne’e maka halo parte imigrasaun halo rezeisaun, la simu tanba la tuir regras kontratu ne'ebé iha.”

 Diretor Imigrasaun ne’e mos relata kazu refere rejistu iha PNSIk tan ba kazu refere tama iha kategoria krime publiku nune’e kualker ema ida hetan bele rejista.

 "Kazu ne'e nia tipu hanesan krimi públiku , se de'it mak hetan bele hato'o keixa. Maibé kazu ida ne'e iha parte polisia Nasional, PNSIK hato’o ona rejistrasaun ba kazu ne’e iha Ministériu Públiku. Ne'ebé kazu ne'e agora dadaun iha Ministériu Públiku," katak Luis.

 Parte imigrasaun, Ministru Interiór (MI) nomós vise Ministru Interiór la halo karta ofisiál ruma ba iha Ministériu Públiku, maibé husi PSIK mak mai iha fatin hod haree,  entaun PSIK mak halo prosesu, tanba ne'e mak sira-nia knaar nu'udar  investigadór.

 "Kazu dadaun ne'e iha MP, depois sira hakarak ejize hodi foti fali sasan, oke. maibé ita hotu-hotu tenki hakruk ba lei, hein desizaun ka despaixu ruma husi MP dehan, foti fali sasan bele mai foti, tanba uluk ami halo karta  rezeitasaun katak sira bele mai foti sasan, sira lakohi, to'o ikus sai kazu sira hakarak ezije mai foti, maibé agora ne'e iha kazu ona, lori ona ba MP ita hein desizaun husi MP dehan bele fó fila sasan foin bele fó fila sasan, tanba ne'e evidensia," nia tenik.

 Nia realsa, “parte PNSIK maka hato’o duni relatoriu ou hato’o keixa ba iha ne’eba. Parte imigrasaun, Sua Excelensia Ministru ho Excelensia vise Ministru la halo to’ok, karta ofisiál rum aba iha ministeiru publiku para hodi keisa maibe tanba kazu ne’e tipu de krimi publiku entaun se de’it maka hetan bele keisa. Ho nune’e maka PNSIK tan ba rona katak sira maka iha ne’e, ne’e maka sira mai atu hare. Sira hare ne’e, sira maka halo. La’os ami maka hato’o keisa.

 Nia rejeita katak parte imigrasaun ho Ministeiru Interior maka haruka sms ba membru balun iha PNSIK hodi rejista kazu kontra kompania R2M.

 “La’os, la’os, la’os. La’os Imigrasaun. Ida ne’e la’os ami maka hato’o keisa, la’os sua excelensia vise ou sua excelensia Ministru maka keisa, ne’e la’e,” nia rejeita.

 Nia esplika, “ami nia kolega sira husi PNSIK maka mai duni ami nia fatin e sira maka hare e sira maka investigador.”

 DJ Luis mós akresenta, kazu refere daudaun ne’e iha ona Ministériu publiku nune’e atu kompania foti fali sira nia sasan tenke hein desizaun husi Ministeiru Publiku.

 “Kazu agora daudaun ne’e iha Ministeiru Publiku, depois sira kuandu hakarak ezije fali sira nia sasan, ok. Maibe ita hotu-hotu tenke hakruuk ba lei. Hein desizaun no despacho ruma husi Ministeiru publiku dehan katak foti fali sasan, Ok bele foti.”

 Hatan kona ba karik Ministeiru Interior bele dada fali kazu ne’e no haruka kart aba Ministeiru Publiku hodi entrega fali kompania nia sasan sira ne’ebe governu rejeita ho diplomasia DJ ne’e dehan, “ami uluk, ami halo karta rejeitasaunkatak sir abele mai foti fali sira nia sasan, sira lakohi. To’o ikus sai kazu sira hakarak ezije atu mai foti maibe faze ne’e kan iha kazu ona, lori ona ba Ministeiru publiku, ita hein desizaun Ministeiru Publiku ninian tan ba ne’e hanesan evidensia.”

 Diretor Jeral ne’e mos fo hatene sai katak Vise Ministru Interior mos manda ona karta ida ba Ministeiru Publiku maske la esplika konteudu karta refere.

 “Ne’e sua excelensia vise maka hato’o,” Diretor ne’e ko’alia.

 Iha parte seluk Diretor Jeral ne’e mos fo sai katak ninia parte halo ona komunikasaun ho kompania Dileta hodi husu klarifikasaun kona ba produtu dileta nian ne’ebe deskonfia falsifika ne’e.

 "Klaru tebtebes tan ba iha Dileta dehan katak printer dileta ne'ebé maka ho numeru seriál 5210 sei eziste hela iha merkadoria. Maibé kona ba fasifikasaun ka stiker dileta taka fali ba Epson, ne'e, parte kompañia dileta la autoriza hahalok ida hanesan ne'e. Tanba parte kompañia katak kompañia dileta iha Jerman dehan katak sira-nia printer ne'ebé hasai ho naran dileta, ne'e dileta duni. La taka sira nia merek ne'e ba fali iha Epson. Ne'e dehan katak sira la servisu hamutuk ho epson, dileta ne'e dileta duni," katak Superintendente asistente Luis Barreto remata.(*)

Rate this item
(1 Vote)
Last modified on Tuesday, 02 February 2021 10:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter