Deskonfia Vise MI Halo Abuzu Podér, Advogadu R2M Keixa ba PSIK

Advogadu R2, Albino de Jesus Perreira  (klaran( haleu husi Klientes nain rua husi komapnia R2M iha PSIK Kolmera wainhira hatama keixa kontra Vise MI ho autoridade sira seluk, Segunda (1/2) Advogadu R2, Albino de Jesus Perreira (klaran( haleu husi Klientes nain rua husi komapnia R2M iha PSIK Kolmera wainhira hatama keixa kontra Vise MI ho autoridade sira seluk, Segunda (1/2) Foto Tempo Timor

Tempotimor (Dili) - Deskonfia vise Ministru Interiór (Vise-MI) António Armindo uza nia podér hodi hanehan kompania R2M, defensor públiku, Albino de Jesus Perreira defende kompania hodi keixa ona vise MI ba Polísia Servisu Investigasaun Kriminál (PSIK) tanba tuir nia iha indisiu krime hasoru kompañia R2M ne'ebé legalmente iha kontratu ba projeitu Border Information Management sistem (BIMS).

Albino esplika, hafoin rona tiha kronologia husi nia kliente kompañia R2M, parte defensoria nota iha indisiu prátika krime husi vise MI António Armindo hanesan abuzu podér, burla agravadu no furtu agravadu.

Albino hatutan, razaun prense iha indísiu krime tanba antes ne'e, R2M halo aprosimasaun ba materiál no montante osan husi projeitu maibé laiha konsiderasaun no vise MI obrigatoriumente haruka R2M fó fila osan projeitu hamutuk tokon $.648 inklui impata atu konpañia aproxima ekipamentu IT ne'ebé utiliza ba projeitu BIMS.

"Agora aprosimasaun ne'ebé sira halo ne'e laiha konsiderasaun signifika, Nia (VMI) komesa uza nia poder ona para atu lohi ema sira atu aproxima sasan, nia la fo fatin, tanba ne'e konsidera hanesan krime ida, kaundu ita haree didi'ak, nu'udar ema lideransa ka nu'udar vise ministru ida mak kuandu nia la simu ona ka kansela hotu sasan sira ne'e, ne'e abuzu poder ona," dehan Albino iha Edifisiu PCIC Kolmera Dili, Segunda (1/2).

Albino hatutan, entaun defensoria fasilita sira (R2M) tenki hato'o keixa ba Polisia Sentifiku Investigasaun Kriminal (PCIC) hodi halo investigasaun, kaundu konsidera krime tenki prosesu tuir legalidade krime ne'ebé mak eziste iha Timor-Leste.

Albino hateten, konpania R2M iha legalidade formal tanba sai vendedor hodi inplementasaun projeitu Border Information Management Sistem (BIMS) no kumpri obrigasaun nu'udar ezekutador ba projetu.

Durante halo servisu, R2M nia direitu hetan violasaun ruma husi vise MI, entaun, parte defensoria konsidera presiza lori kazu ne'e ba prosesu justisa liu-liu iha parte PSIK hodi halo investigasaun no karik iha inisiu krime presiza prosesa ba Ministéiru Públiku atu kontinua tuir dalan legál.

"Ami haree katak sira prense duni krime tanba primeiru R2M halo aprosimasaun maibé laiha konsiderasaun, la fó fatin siginifika vise MI uza nia poder, ida ne'e ita konsidera hanesan krime ida, kuandu ita haree didi'ak kuandu nu'udar ema lideransa nia lasimu ona ka nia haruka nia ema kansela hotu sasan sira ne'e, ne'e abuzu poder ona," dehan Albino.

Ministeiru Interior halo kanselamemtu ba projetu BIMS husi R2M deskonfia relasiona kazu internet ilegál ne'ebé tribunal rasik deside Termus Indentidade Rezidénsia (TIR) ba parte arguidu husi R2M sira.

Enkuantu bainhira Jornalista sira tenta atu halo konfirmasaun ba Vise-ministru Interior, António Armindo maibe la konsege atu halo intervista tanba husi parte Gabinete vise MI katak vise okupadu tanba ajenda servisu barak.

Entertantu bainhira halo keixa iha PCIC, R2M reprezenta husi Diretór Kompañia R2M, Nelson Perreira, Diretór Operasionál Kompánia R2M, Mario Guterres no hetan defeza husi defensor publiku, Albino de Jesus Perreira.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter