Login to your account

Username *
Password *
Remember Me

Alkatiri Alarma "CPN-CNRT, Abílio Araújo, Rogério Lobato no José Luis Prepara-Aan"

Tempotimor (Dili)- Sekretáriu Jerál Partidu Frente Revolusionária Timor-Leste Independente (FRETILIN), Mari Alkatiri kompleta ona ninia keixa iha Ministériu Públiku (MP) no husu CPN-CNRT no sidadaun na'in-haat atu prepara-aan hasoru justisa.

Alkatiri ba iha Ministériu Publiku hodi halo depoitmentu ba keixa hirak ne'ebé antes hato'o tiha ona.

"Ha'u mai iha ne'e halo depoitmentus fó tán konteúdu substánsia ba ha'u-nia keixa, eh halo ona ba tolu ne'e hotu, Komisaun Polítika Nasionál CNRT nian, bankada CNRT nian, eh sidadaun na'in 4, prosesu tolu ne'e mak halo hotu dala ida, tanba ne'e mak demora, signifika saida, agora sira prepara-aan ba para- sira mai atu defende- an , tanba ba ha'u prosesu ne'e ba oin sei la hakiduk", dehan Nia hafoin hatama keixa iha Ministériu Públiku, iha edifísiu Prokuradoria Jerál, Kolmera, segunda (18/01/21).

"Komisaun Nasionál Polítika husi Virgílio Smith mai to'o iha Tomás Cabral, depois bankada CNRT ne'e sira na'in-21 ne'e, depois sira na'in-4, Abílio Araújo ho nia kaben Guilhermina Lobo de Araújo, Rogério Lobato no José Luis Guterres," dehan Alkatiri.

Nia parte husik ona ninia depoitmenty nune'e hein Ministériu Publiku mak hala'o kompeténsia.

"Ha'u husik ona ha'u- nia depoitmentus kompletu ona, se Ministériu Públiku presiza tan ha'u mai, ha'u mai nafatin, ne'e hotu-hotu hatene katak prosesu ne'e foin hahú, agora to'o bainhira mak hotu mak ita haree", tenik Alkatiri

Alkatiri mos dehan, sei iha prosesu balun para hato'o tan keixa ba Ministériu Públiku.

"Sei iha tan prosesu balun atu tama, tanba dalabarak ona ha'u hatete katak, tambor mamuk balun sei iha nafatin", nia afirma

Nia salienta, deklarasaun hirak ne'ebé ohin presta iha Ministériu Públiku hela iha laran, labele ko'alia sai ba públiku, tanba ida-ne'e segredu justisa.

"Imi hatene segredu justisa galae! Saida mak ha'u hatete iha ne'ebá, hela iha-ne'eba ha'u labele ko'alia", nia dehan. (*)

Rate this item
(6 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter