"Ezekusaun orsamentu ne'e ami tenta atu halo buat balun diak liután ho forma ne'ebé lalais tanba estrutura Tribunál Rekursu nian kompletu ona husi diretór jeral to'o xefi departamentu para ezekusaun orsamentu ne'e ho forma lalais liután", tenik Prezidente Tribunal Rekursu, Deolindo dos Santos, iha Palásiu Prezidensiál Bairru-Pité, Segunda (13/5).

Nia hatutan, saláriu no vensimentu sira ne'e la'o normal, buat ne'ebé presiza halo ezekusaun lalais liután mak orsamentu ba kapitál menór, bens servisu no fundu infraestrutura.

Kapital menór ho bens servisu ne'e buat balun ne'ebé Tribunál Rekursu finaliza no balun servisu la'o hela, tanba ne'e hamutuk ho ekipa haka'as aan liu husi apoiu servisu sira ne'e para prosesu ne'ebé mais tarde iha fulan rua hanesan ne'e termina ona.

"Ezekusaun ne'e balun ami halo ezekusaun direta no balun indireta entaun seidauk halo prediksaun nia totál pursentu ne'ebé definitivu. Parte fundu infraestrutura nian konsentra iha KAFI entaun foin mak hetan aprovasaun nia prosesu ne'e sei naruk uitoan para ita halo hotu. Mas iha kapitál bens servisus nian ne'e ami azekuta ona kuazepursentu 35%.", dehan PTR.

Prezisente ne'e mós dehan iha Fundu Infraestrutura nian, Konsellu Ministru aprova ona projetu kontrusaun ba Tribunál Munisipiu Dili nian, tanba ne'e iha tempu badak nia laran Komisau Nasional Aprovizionamentu (CNA) mak haree, entaun ida ne'e mak akontese duni iha tinan oin ita sei hahú konstrusaun. Nune'e iha tinan oin bele hanoin halo tan buat seluk inklui halo servisu justisa nian ho forma lalais no lori justisa hakbesik ba komunidade.