PJR husu Labele Kahur Prosesu Investigasaun no Orsamentu Millaun $14 ba Ró Haksolok

Prezidente Repúblika, Francisco Guterres Lú Olo,  hala’o enkontru mensál ho Prokuradór Jerál Repúblika José da Costa Ximenes no nia Adjuntu, Alfonso Lopes, iha palasiu Prezidensial Bairo Pite Dili (5/1) Prezidente Repúblika, Francisco Guterres Lú Olo, hala’o enkontru mensál ho Prokuradór Jerál Repúblika José da Costa Ximenes no nia Adjuntu, Alfonso Lopes, iha palasiu Prezidensial Bairo Pite Dili (5/1) Foto Tempo Timor

Tempotimor (Dili)-- Prokuradór Jerál Repúblika (PJR) José da Costa Ximenes, husu labele kahur prosesu investigasaun ba Ró Haksolok no montante orsamentu millaun $14 ne'e aumenta hodi finaliza ró refere.

Prokuradór Jerál da Repúblika (PJR) José da Costa Ximenes, esplika prosesu investigasaun no prosesu administrasaun la hanesan, tanba ne'e labele kahur-malu.

"Ha'u horibainhira ko'alia tiha ona katak, iha kestaun investigasaun ita labele ko'alia kahur ho kestaun relativamente ho administrasaun, ne'ebé orsamentu ne'e kompeténsia governu nian, ne'ebé ema dehan fó ba Maromak saida mak Maromak nian, fó ba Cesár saida mak Cesár nian," Nia ko'alia iha Palásiu Prezidensiál Bairru-Pité, Tersa (5/1).

Nia informa, prosesu investigasaun kontinua la'o maibé administrativamente kompeténsia governu nian.

"Signifika investigasaun kontinua la'o? Ezatamente, ita boot sira hatene ida-ne'e," dehan PJR.

Entretantu orsamentu tokon $14 ne'ebé governu prevé ba Ferry Haksolok ne'e aprova ona iha Parlamentu Nasionál (PN) iha loron 12 Dezembru 2020 ho rezultadu votasaun a -favór 44, kontra 0 no abstensaun.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter