Tuir nia, hato'o keixa, tanba kaluna ne'ebe sira halo konsidera hanesan krimi, entaun sira tenki hatan, eh la'os krimi de'it, tanba sira iha osan, prosesu sivel mos tama no husu indiminizasaun.

"Sira la'os laiha osan, Lae, sira iha osan, balun iha ne'e riku matak de'it, sira mos tenki iha denunsia kalinioza, krimi, maibe ninia komponente sivil indeminizasaun mos sei la'o iha reputasaun", Nia dehan

"Keixa krimi kontra sidadaun timorense na'in 4, hotu-hotu koinese sira, Abilio Araujo ho nia kaben Guilhermina Loubo de Araujo, Jose Luis Guterres, Rogerio Tiago Lobato liga ba kazu kalunioza liga ba skylight", dehan Nia hafoin hatama keixa iha Ministeriu Publiku, Kolmera, sesta (18/12).

Tuir observasaun Jornalista tempotimor.com iha terenu nota, Keixa ne'e, Sekretariu Jeral partidu FRETILIN Mari Alkatiri hatama ba Ministeriu Publiku (MP) maizoumenus tuku 9:30 otl.

Antes ne'e, Eis-Primeiru Ministru Mari Alkatiri keixa uluk ona partidu CNRT, no dadaun prosesu la'o hela iha Ministeriu Publiku par atu notifika.

"Agora prokurador Jeral hatete preparadu ona atu notifika agora fin du anu ou janeiru", Nia relata.

Nia mos dehan, sei iha tan keixa seluk par kontinua, tanba ema tambor mamuk balun sei iha ne'e. (*)