Tuir observasaun www.tempotimor.com nota katak, TDD hahu julgamentu ba arguidu Prezidenti ANC iha oras 18:00 otl to’o remata iha oras 20 : 20 otl ne’ebé akompaña husi nia kaben, família inklui kolega servisu ne'ebé hein iha aredores TDD nian.
TDD lakonsege hetan rezultadu husi Julgamentu primeiru interrogatóriu ne’e tanaba kalan boot ona, nune'e, julgamentu ba Prezidenti ANC rasik adia ba aban Domingu (29/11) ne'ebé sei hahú iha TDD Oras 14:00 otl.
Entertantu, prosesu julgamentu prezide hosi juiza, Ercila da Costa, Ministéiru Públiku reprezenta hosi prokuradór Matias Soares no arguidu sira hetan asisténsia legál hosi advogadu privadu Manuel Tilman.
Antes ne'e, Polisia nasional Timor leste (PNTL) Servisu Investigasaun Kriminal (SIK) halo buska ba edifisiu Autoridade Nasional Comunikasaun (ANC) no uma privadu no detein Prezidenti JOF inklui rekoilla informasaun, dadus seluk no prende kareta marka terios ida tanba deskonfia involve iha kazu internet ilegal, Kinta (26/11).(*)
PUBLISIDADE