"Ami parte husi advogadu senti triste no la kontenti ho desizaun ne'e, no ami sei halo rekursu ba prosesu ida ne'e ba Tribunal Rekursu," Pedro Aparicio dehan iha TDD, Sábdu (28/11).

Iha prosesu julgamentu, Ministeiru publiku akuza arguidu sira ho krime brankamentu kapitais burla informatika ne'ebé halo aktividade ilegalmente.

Nune'e, Pedro Aparicio akresenta nia kliente sira iha dokumentu legal husi serve hodi halo aktividade negosiu inklui selu taxa ba estadu Timor-Leste.

"Segunda ne'e prazu, depois de 15 dias sura husi segunda ami sei hato'o rekursu ba tribunal rekursu tanba prosesu sira hanesan ne'e ladiak tanba afeita tebes ba operador telekomunikasaun no ISP sira iha Timor," Pedro dehan.

Pedro argumenta, tanba deit dehan ANC la fo lisensa, ne'e Ministeiru Publiku, tribunal nia hanoin, maibe prosesu admistrativu ne'e iha ANC mak responsabliza.

Pedro hatutan daudaun ne'e laiha lei no ate agora ANC rasik seidauk hasai lisensa ba iha ISP (Internet service provider) tanba ne'e mak ANC husu ba ISP sira atu hotu-hotu ba registu iha serve, depois sira hetan lisensa no autorizasaun hotu depois fulan-fulan selu taxa ba estadu no sira laiha problema kona ba taxa.

"Ami nia kliente sira ne'e iha dokumentu kompleitu husi Serve, iha lisensa aktividade iha hotu, selu Taxa ba guvernu Timor-Leste," dehan Pedro.

Entertantu ohin liu husi julgamentu, Tribunal hasai desizaun prizaun preventiva ba arguidu diretor elite komputer inisal DP no CEO Telemor inisal TVB hafoin Servisu Investigasaun Kriminal (SIK) halo buska no kaptura iha semana kotuk.(*)

PUBLISIDADE