Login to your account

Username *
Password *
Remember Me

TDD Komemora Proklamasaun Independénsia ho Julgamentu ba Prezidenti ANC

Arguidu Prezidenti ANC inisial JOF too iha fatin antes atu halo primeiru julgamentu relasiona ho kazu internet ilegal iha Tribunal Distrital Dili (TDD), Sabdu (28/11). Arguidu Prezidenti ANC inisial JOF too iha fatin antes atu halo primeiru julgamentu relasiona ho kazu internet ilegal iha Tribunal Distrital Dili (TDD), Sabdu (28/11). Foto Tempo Timor

Tempotimor (Dili) – Ohin Timoroan hotu komemora loron proklamasaun unilaterál independénsia ba dala-45, iha loron ne’e mós Tribunal Distrital Dili (TDD) halo hela primeiru julgamentu ba Prezidenti Autoridade Naisonál Comunikasaun (ANC) ho inisial JOF relasiona ho kazu Internet ilegál.

Tuir observasaun www.tempotimor.com nota katak, hafoin remata desizaun prizaun preventiva ba arguidu diretor ou CEO Telemor ho inisial TVB no diretor elite komputer inisal DP, ohin kedas TDD kontinua halo primeiru

julgamentu ba Prezidenti ANC ho inisial JOF iha oras 18:00 otl.

Arguidu JOF rasik too iha TDD oras 17:35 otl ne'ebé akonpanã dereita husi Polisia Nasional Timor Leste Servisu Investigasaun Kriminal (SIK) no direitamente ba sela tribunal hodi hein oras to’o 17:54 otl atu tuir prosesu julgamentu.

Prezidenti ANC JOF rasik hetan asistensia husi advogadu privadu Manuel Tilman.

Antes ne'e, Polisia nasional Timor leste (PNTL) Servisu Investigasaun Kriminal (SIK) halo buska ba edifisiu Autoridade Nasional Comunikasaun (ANC) no uma privadu no detein Prezidenti JF inklui rekoilla informasaun, dadus seluk tanba deskonfia involve iha kazu internet ilegal, Kinta (26/11).

Iha buska ne'e ekipa SIK rekoilla dadus tuir númeru mandadu buska, detensaun no intensaun 066/20/PNSIK hafoin SIK detekta mosu internet ilegal husi kompañia elite komputer no kompañia telekomunikasaun Telemor ne'ebé durante ne'e fornese internet illegal ba ministeiru sira.

Entertantu kazu Internet ilegal rasik nakloke ba publiku bainhira PNTL-SIK halo buska ba operador Telemor ne'ebé lokaliza iha Timor plaza no kompana elite komputer ne'ebé lokaliza iha Kolmera hafoin durante ne'e fornese internet ba ministeiru sira inklui PNTL rasik.(*)

PUBLISIDADE

Rate this item
(0 votes)
Last modified on Saturday, 28 November 2020 19:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter