Tuir observasaun www.tempotimor.com, arguidu nain rua to’o iha Tribunál Distritál Dili (TDD) oras 15: 30 ne'ebé akompanha husi arguidu nain rua nia kolega servisu, inklui Polisia Nasional Timor Leste, Servisu investigasaun Kriminal (SIK) no direitamente ba sela tribunal nian hodi hein prosesu julgamentu.
Situasaun atual daudaun ne'e mos iha TDD hakmatek no tuir oráriu prosesu julgamentu sei hahu iha 16:00 otl.
Antes ne'e arguidu nain rua hala’o ona julgamentu primeiru interrogatóriu inklui rona sasin.
Iha Ministériu Públiku (MP) akuza arguidu sira ho krimi burla imformátika ne’ebé previstu no punidu iha artigu 268 no krimi fraude fiskál ne'ebé previstu iha artigu 314 kódigu penal Timor Leste.
Entretantu kazu Internet ilegal rasik nakloke ba publiku bainhira PNTL-SIK halo buska ba operador Telemor ne'ebé lokaliza iha Timor plaza no kompana elite komputer ne'ebé lokaliza iha Kolmera hafoin durante ne'e fornese internet ba ministeiru sira inklui PNTL rasik.(*)
PUBLISIDADE