Aban Tribunál Foti Desizaun ba Arguidu Kazu Internet Ilegál

By Tempo Timor November 27, 2020 1081

font size decrease font size increase font size
Print
Email

Aban Tribunál Foti Desizaun ba Arguidu Kazu Internet Ilegál

Tempotimor (Dili)- Tuir observasaun www.tempotimor.com, Tribunál Distritál Dili (TDD) halo ona julgamentu primeiru interrogatóriu ba Arguidu na'in rua mak hanesan, Diretór Jerál Kompaña CEO Telekomunikasaun Telemor ho inisiál TVB no Diretór Konpaña Elite Computer ho inisiál DP hala’o hahú tuku 10:30 to’o tuku 2:00, Kinta (26/11).

Hafoin intervalu no iha tuku 3:30 kontinua fali julgamentu no to’o iha tuku 9:00 seidauk rona desizaun ruma.

Nune’e Tribunál adia fila-fali prosesu ne’e ba loron aban iha tuku 3:00 lokra’ik hodi kontinua ba prosesu sumáriu ba desizaun primeriu interrogatóriu.

“Desizaun adia ba aban tuku 3:00 hodi rona desizaun”, Advogadu Privadu Pedro Apariçio hateten hafoin audénsia julgamentu iha TDD.

Entretantu, Ministériu Públiku (MP) akuza arguidu sira ho krimi burla imformatika ne’ebé previstu no punidu iha artigu 268 no krimi fraude fiskál ne'ebé previstu iha artigu 314 kódigu penal Timor Leste.

Prosesu julgamentu ne’e prezide hosi juiza, Ercila da Costa, Ministéiru Públiku reprezenta hosi prokurador Matias Soares no prokuradora Lidia Soares, arguidu sira hetan asisténsia legal hosi advogadu privadu Pedro Apariçio,Ligia Araújo, no advogadu internasionál Duarte Carneiro. (*)

PUBLISIDADE

Rate this item

(0 votes)

Last modified on Friday, 27 November 2020 00:24

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com