Print this page

PR Lú Olo Ezije MP Kombate Krime Organizada

By November 16, 2020 1668
Prokuradór Jerál da Repúblika (PJR) José da Costa Ximenes ko'alia hela ho jornalista sira iha Palásiu Prezidensiál bairru-pite. Prokuradór Jerál da Repúblika (PJR) José da Costa Ximenes ko'alia hela ho jornalista sira iha Palásiu Prezidensiál bairru-pite. Foto Supply

Tempotimor (Dili)- Prezidente Repúblika (PR) Francisco Guterres Lú Olo ezije ba Ministériu Públiku (MP) atu servisu ho di'ak liután hodi kombate krime sira iha Timor-Leste (TL).

Ezijensia ne’e PR Lú Olo hato’o, hafoin Prokuradór Jerál da Repúblika (PJR) José da Costa Ximenes hala'o audiénsia ho Xefe estadu iha Palásiu Prezidensiál Bairru-pité, ohin.

"Prezidente Repúblika nia mensajen hateten, MP favór, tenke iha korajen atu enfrenta kriminalidade organizada, tanba nia atinje kualkér pesoa no sosiedade. Entaun, presiza ema korajen," PJR José ba jornalista sira, Segunda (16/11).

Haree ba mensajen PR nian ne'e, PJR agradese tanba apoiu nafatin MP hodi luta kontra krime sira.

"Ami agradese tebes ba Prezidente Repúblika tanba nafatin suporta ami atu kontinua halo esforsu ida ne'e," nia hateten.

PJR mós husu ba média komunikasaun sira atu hamutuk ho órgaun judisiál sira hodi kombate krime sira ne'ebé fó perigu ba ema no sosiedade.

"Mai ita hamutuk, média liu-liu ha'u haree TVTL, GMN no jornal sira ne'ebé sempre fó sai, entaun ita hamutuk luta kontra kriminalidade organizadu, tanba ne'e balun atinje ita-nia familia, maibé barak liu mak atinje ita-nia sosiedade," José husu.(*)

 

PUBLISIDADE

Rate this item
(0 votes)
Last modified on Monday, 16 November 2020 18:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items