MA Aprezenta Tan Keixa ba MP Kontra Bankada CNRT

Sekretáriu Jerál Partidu Fretilin Marí Alkatiri iha hela meza redonda ho Prokuradór Jerál da Repúblika José da Costa Ximenes hodi aprezenta tan keixa kontra Bankada CNRT no deputadu 21. Sesta (6/11). Sekretáriu Jerál Partidu Fretilin Marí Alkatiri iha hela meza redonda ho Prokuradór Jerál da Repúblika José da Costa Ximenes hodi aprezenta tan keixa kontra Bankada CNRT no deputadu 21. Sesta (6/11). Foto Tempo Timor

Tempotimor (Dili)-Ohin Sesta (6/11), dader teki-teki atuál Sekretáriu Jerál Partidu Frente Revolusionáriu Timor-Leste Independente (Fretilin) Marí Alkatiri mosu iha edifísiu Prokuradoria Jerál da Repúblika (PJR) ne'ebé lokaliza iha Kolmera ho objetivu atu vizita Prokuradór Jerál da Repúblika José da Costa Ximenes.

Tuir ajenda ne'ebé www.tempotimor.com asesu katak, Sesta (6/11) iha dader tuku 10:00, Eis Primeriu Ministru I no VII governu konstituisionál no eis Prezidente Autoriedade Rejiaun Administrativa Espesiál Oekusse Ambeno no Zona Espesiál Ekonomika Sosiál Merkadu (RAEOA no ZEESM) Marí Alkatiri sei vizita PJR.

"Ha'u mai aprezenta prosesu keixa krime ida hanesan ha'u promete kleur ona, keixa ne'e kontra bankada CNRT husi xefe bankada to'o deputadu 21 ne'e hotu, tanba ko'alia laloos, entaun sira tenke mai hatán liuhusi Ministériu Públiku, depois mak deside lori ba tribunál ka lae," dehan Marí Alkatiri hafoin entrega keixa ba MP, Sesta (6/11).

Nia mós dehan, konteudu husi keixa ne'e iha ona justisa, tanba ne'e labele públika sai ba públiku.

"Konteudu ne'e agora segredu justisa, sira hein de'it sei bolu sira no sei bolu ha'u mós," nia tenik.

Sekjer Fretilin ne'e mós afirma, deklarasaun ne'ebé CNRT halo ne'e iha Parlamentu Nasionál (PN) maibé la'ós iha plenária.

"Sira halo deklarasaun iha uma PN, Mais la'ós iha plenária, sira halo konferénsia imprensa," katak nia.

Alende keixa ne'e, MA promete sei lori tan keixa mai MP kontra ema sira ne'ebé ko'alia kona-ba grupu skylight.

"Grupu skyligth nian ne'e keixa tuir mai, sira ne'ebé ko'alia buat ne'e sei mai hatán," nia dehan.

Entretatu Mari Alkatiri to'o iha edifísiu Ministériu Públiku iha tuku 09:52, depois sa'e eskada leten no tama kedas ba iha gabinete PJR nian iha tuku 09:56, la kleur de'it sai kedas husi gabinete PJR nian, tanba aprezenta de'it keixa kontra No kareta ne'ebé atuál Sekretáriu Jerál Fretilin ne'e uza mak nia xapa matrikula 03.999 G Timor-Leste, no akompaña husi advogadu privadu José Guterres, Arlindo Sanchez no Lukeno H. Alkatiri.(*)

Rate this item
(0 votes)
Last modified on Friday, 06 November 2020 12:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks