Login to your account

Username *
Password *
Remember Me

Amu Maubere – Xanana – Sarani sira Reza, 'Demo' ba Juíz no Tribunál

Spanduk ne’ebé dada iha Tribunál Distritál Dili nia oin wainhira sarani sira hamutuk Amu Maubere Reza hela tersu, iha sexta (30/10) Spanduk ne’ebé dada iha Tribunál Distritál Dili nia oin wainhira sarani sira hamutuk Amu Maubere Reza hela tersu, iha sexta (30/10) Foto Suplai

Tempotimor (Dili)- Pároku Parókia Sagrado Coracação de Jesus Becora Dili, Padre Domingos Soares “Maubere” hamutuk ho lider karismátiku Kay Rala Xanana Gusmão no sarani sira reza ba juís sira iha Tribunál Distritál Dili (TDD), horisehik.

Asaun pasífiku ne’e halo ho dada mós espanduk, lori Krúz nu’udar asaun protesta ida hosi Igreja Katólika tanba la simu desizaun Tribunál Distritál Dili nian ne’ebé notifika Arsebispu Metropelitana Dili, Don Virgilio do Carmo da Silva, ho ho Lider Karismátiku, Kay Rala Xanana Gusmão sai nu’udar sasin ba kazu ne’ebé hato’o hosi Organizasaun Naun Govermentál (ONG) JU,S ba Ministériu Públiku.

Spanduk ne’ebé dada iha Tribunál Distritál Dili nia oin, hakerek, liafuan, “Arsebispu Sala Saida! Defende Lia Loos Ne’e Knaar Kreda Nian. Ami La Simu Lori Amu Bispu mai Tribunál Hanesan Kriminozu”.

Hafoin Reza Tersu, Amu Maubere hateten, Igreja lamenta tebes, bainhira Igreja ‘defende lia loos no defende direitu labarik sira nian, tenki ba hatan fali iha tribunál.

“Viva Igreja Katolika”, Amu Maubere hamutuk ho sarani sira hakilar nu’udár asaun solidaridade, ba Amu Arsebispu, Amu Hermínio Gonçalves no Kay Rala Xanana Gusmão.

Entretantu, Arsebispu Don Virgilio, Xanana Gusmão no Padre Herminio (Eis Prezidente Komisaun Justisa no Paz) simu karta notifikasaun husi Tribunál hodi hatan no sai sasin ba keixa hosi Organizasaun Naun Govermentál

“JU,S” kona-ba relatóriu investigasaun ne’ebé halo hosi Komisaun Justisa no Paz ba kazu labarik na’in 30 ne’ebé sai vitima problema ida iha Oecusi.

Labarik sira ne’e antes ne’e hela iha uma Mahon Topu Honis ne’ebe jere husi padre SVD ida no Vatikanu hasai ona husi padre tan ba deskonfia konete abuzu sexuál hasoru minor idade.

Rate this item
(0 votes)
Last modified on Saturday, 31 October 2020 13:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter