Krimé Grave iha TL, Lere: Prabowo Naran ‘La Iha’ Lista, Husu Labele Kaptura

Prabowo Subianto atuál Ministru Defeza Repúblika Indonézia nian. Prabowo Subianto atuál Ministru Defeza Repúblika Indonézia nian. Foto Facebook

Tempotimor (Dili)-Estadu Unidus America (EUA) nia desizaun hodi konvida Ministru Defeza Repúblika Indonézia nian Prabowo Subianto ba vizita EUA ne'e sai preokupasaun públiku, tanba konsidera Prabowo iha lista meta kona-ba violasaun direitu umanus iha Timor-Leste.

Tuir xefe estadu maiór F-FDTL Maijór Jenerál Lere Anan Timur katak, maske sosiedade sivíl no públiku konsidera Prabowo Subianto sai autór ba violasaun direitu umanu iha TL, maibé loloos ne'e laiha.

"Ha'u hanoin, ida ne'e kona-ba ema ne'ebé komete krime sériu ne'ebé sira komete violasaun direitu umanu iha Timor-Leste, ita ba haree didi'ak, ha'u hanoin Prabowo Subianto naran la tama ba lista ida ne'e, ita mak ko'alia no rona, maibé ha'u ba konfirma ona katak, Prabowo la tama ba lista violasaun direitu umanu iha TL," dehan Jenerál Lere Anan Timur iha Palásiu Prezidensiál bairru-pite, Kuarta (21/10).

Nia mós afirma, lista violasaun direitu umanu iha TL ne'e Prabowo Subianto la tama, maibé governante balun mak tama iha laran.

"Balun ne'ebé kee ohin loron ministru ona, balu la ministru, iha na'in tolu ka haat mak tama, maibé Prabowo la tama, konforme informasaun ne'ebé ha'u simu," dehan Lere.

Lider fitun rua ne'e mós afirma, tanba Prabowo la involve ne'e mak foin lalais ba vizita Estadus Unidus America la hetan kapturasaun ne'e. Veteranus tinan 24 ne'e mós afirma, Indonézia halo violasaun direitu umanu iha TL, tanba funu.

"Ha'u la'ós defende Indonézia, maibé sira viola direitu umanu iha TL tanba funu, tanba Timor hakarak ukun aan, ita dehan "mate ka moris ukun rasik aan", entaun pasiénsia tanba sira mós mai kumpri sira-nia misaun ida," nia tenik.

Lere Anan Timur mós akresenta, Indonezia sira ne'ebé mai TL ne'e, eroi ba sira-nia rai, tanba sira kumpri sira-nia orden, sira-nia sistema hodi mai funu iha Timor.

"Ita mós eroi ba ba ita-nia rai, tanba ita dehan, mate ka moris ukun rasik aan, depois ita ukun aan tiha, ita fó sala ba se? Sira mai la'ós sira-nia hakarak, maibé sistema ida mak haruka sira mai, entaun halo oinsa mak ita Timor ho Indonézia nia relasionamentu metin," katak Nia.

Lider ne'e mós dehan, krime sériu ne'e nia haluhan ona, husik halerek iha istória katak, Indonézia oho ida ne'e no ida ne'ebá, entaun hakarek iha istória ba jerasaun sira hatene katak, Timor ukun aan ne'e sosa ruin ho ran.

Lere mós afirma, karik ema ne'ebé komete krime sériu mak mai TL, sei la autoriza hodi kaptura.

"Se-se mak komete krime sériu iha TL, bele mai, enkuantu ha'u dehan la kaer ne'e la kaer, ita rai na'in mak manda, la'ós ema seluk mak mai manda ita, para estraga ita-nia relasaun, tanba ne'e TL, Indonézia no Australia ne'e labele husik malu," katak Nia.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks