"Prosesu auditória ne'e tribunál hatete buat ruma iha ne'ebá, iha mós rekomansaun balun, mas buat ne'e iha hela prosesu auditória nia-laran, entaun ha'u labele mai dehan desizaun hanesan ne'e ona ka prosesu ne'e la'o ka atinje hanesan ne'e ona," dehan nia, iha Palásiu Prezidensiál Bairru-Pite, Segunda (28/9).

PTR afirma, iha regra kámara de kontas ninia prosesu ne'e normalmente iha auditória lori tempu naruk.

"Prosesu naruk tanba, hahú husi rekolla elementus to'o relatóriu finál ne'e kuaze to'o fulan neen ka hitu, balun to'o tinan ida, tanba auditória barak," nia tenik.

Tanba ne'e, presiza respeita lei kámara de kontas nian no prosesuál sira ne'ebé estabelese, tanba ita labele aprova relatóriu ruma, kuandu laiha buat ida hakerek iha ne'ebá.

"Ha'u atu hateten buat ruma katak nia ne'e sala, tenke hatete buat ruma iha ne'ebá, tanba ne'e lei mak orienta," dehan Deolindo. (*)