" Provedoria Direitu Umanu no Justisa (PDHJ) rejista ona keixa hamutuk 155. Keixa sira ne'e mai husi indikasaun violasaun direitu umanu hamutuk 59, indikasaun ba violasaun ba boa governasaun hamutuk 96," dehan Provedora Jesuína Maria Ferreira Gomes, iha Palásiu Governu, Tersa (8/9).
Nia hatutan, bainhira PDHJ rejista keixa sira ne'e, sei halo apresiasaun liuhusi relatóriu avaliasaun preliminár atu identifika keixa sira ne'e tama iha mandatu PDHJ ka kompeténsia seluk nian.
Provedora mós afirma, maibé keixa sira ne'ebé tama iha mandatu PDHJ nian sei kontinua ba investigasaun, maibé lae sei kontinua enkamiña ba entidade ne'ebé iha liu kompeténsia hodi hodi haree ba sidadaun sira-nia keixa ne'e.
Entretantu, keixa sira ne'ebé durante tama, PDHJ la'ós rezolve, maibé halo apresiasaun, avaliasaun no investigasaun. Kuandu investigasaun konklui ona hafoin aprezenta rekomendasaun ba entidade relevante sira hanesan ministériu, sekretária estadu no instituisaun públiku sira mak iha responsabilidade atu rezolve sidadaun sira-nia keixa. (*)
