Ba kestaun ne'e, Ministru Julio Sarmento “Meta Mali" dehan, veteranu falsu sira ne'ebé durante ne'e povu halo keixa, hamutuk 500 ne'ebé rejista ona iha MP.

“Ema hato'o keixa sira lori mai, ami haruka ona ba iha ne'ebá kuaze liu 500 mak iha ona MP, maibé prosesu atu halo oinsá ne'e, ami la to'o iha ne'ebá, tanba ema ida-idak iha nia servisu”, hatete Meta Mali ba jornalísta sira, hafoin komemora aniversáriu Falintil ba dala-45 iha Kuartel Jenerál F-DFTL, Fatuhada (20-08).

Nia afirma, dadaus veteranu falsu sira ne'e detekta hahú 2012 to'o mai ohin loron.

"Dadus veteranu falsu sira ne'e rekolla hahú 2012 mai to'o agora, no sira ne'e iha indisius kona-ba falsifikasaun dokumentu sai martires nian oan nomós balu falsifika sai veteranu to'o hetan pensaun," dehan Nia

Tuir governante ne'e katak, “Lei hatete aman mate karik, fen ho oan mak tenke simu, maibé laiha karik maun-alin ka inan-aman, maibé dala-ruma subriñu balu no bele ema balu maka ba halo sertidaun falsu depois hodi sai fali martires nia oan hodi simu," nia informa.

Kazu ne'e iah ona MP ne'e prosesu identifikasaun oinsa ne'e kompeténsia tribunál no MP nian, maibé MAVKLN nian mak simu keixa husi veteranu ka komunidade, depois rekolla hamutuk hodi entrega ba MP.

PUBLISIDADE HUSI MOP FO PARABENS BA LORON FALINTIL