Print this page

Kazu Alkatiri Kontra CNRT Prosesu sei Avansa

By August 19, 2020 1257
Marí Alkatiri Sekretáriu Jerál Partidu Fretilin Momentu Ne'ebé Aprezenta Keixa Kontra CPN Partidu CNRT nian ba MP Marí Alkatiri Sekretáriu Jerál Partidu Fretilin Momentu Ne'ebé Aprezenta Keixa Kontra CPN Partidu CNRT nian ba MP Foto Tempo Timor

Tempotimor (Dili) - Keixa ne'ebé Sekretariu Jerál partidu FRETILIN, Mari Alkatiri hato'o ba Ministériu Públiku (MP) relasiona ho akuzasaun balun husi membru Konsellu Polítika Nasionál (CPN) Partidu CNRT nian, prosesu sei avansa ba oin to'o hetan desizaun finál.

"Prosesu keixa ne'ebé uluk Mari Alkatiri aprezenta mai hau rasik mak simu prosesu agora la'o hela iha Gabinete Sentrál Kombate Korrupsaun Kriminalidade Organizada sira sei analiza hela", dehan Prokurador Jerál Repúblika (PJR), José Ximenes, hafoin soru-mutu ho Prezidente Repúblika, Francisco Guterres Lú Olo, iha Palásiu Prezidensiál Bairru-Pité, Tersa (18/8).

Nia dehan, maski daudaun férias juridisiáriu halo atividade paradu ne'ebé suspende oituan prosesu, maibé kundu normál fali prosesu ne'e sei kontinua.

"Komu férias juridisiáriu ne'e atividade hotu suspende entaun, ita suspende oituan maibé apartir 15 Setembru bainhira la'o normál ona ita bolu hotu intervenente prosesuál sira ita bolu hotu para rona", tenik nia.

Antes ne'e, iha loron 7 Jullu 2020, Sekretariu Jeral FRETILIN, Mari Alkatiri hato'o Keixa ba Ministeriu Públiku (MP) hasoru membru CPN Partidu CNRT sira ne'ebé tuir akuza nia simu subornu husi kompañia ConocoPhillips. (*) 

Rate this item
(0 votes)
Last modified on Wednesday, 19 August 2020 12:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items