Ministru Cárceres ‘Nega’ Membru PSIK Halo Violasaun

Ministru Justisa Manuel Cárceres Ministru Justisa Manuel Cárceres Foto Espesiál

Tempotimor(Dili) - Ministru Justisa (MJ), Manuel Carcéres la rekoñese kazu membru Polisia Sientífika no Investigasaun Kriminãl (PSIK) ne'ebe halo ameasa ba membru Front Mahasiswa Timor-Leste (FMTL) ne'ebe akontese iha edifisiu Ministeriu Justisa.

Iha loron 4 Agostu, Membru FMTL simu karta husi Ministeriu Justisa, konteudu husi karta ne'e dirije ba membru FMTL atu marka audensia ho Ministru Justisa Cacéres.

Maibé, realidade Membru FMTL la'os ona atu enkontru ho Ministru Carcéres, tanba bainhira membru FMTL desidi ba to'o iha edifisiu Ministeriu Justisa hetan fali ameasa husi membru Polísia Sientífiku Investigasaun Kriminal (PSIK).

Relasiona ho kazu ne'e Ministru Justisa, Manuel Cárceres, deklara nia parte la hatene kazu entre PSIK ho FMTL.

Nia hatutan, momentu ne'e nia atende hela ajenda husi Ministeriu Finansa, entaun la hatene saida mak akontese ba membru FMTL.

"Momentu FMTL sira ba iha ne'ebá Ministru Justisa laiha fatin, ha'u ba tiha iha Ministeriu Finanasas ne'eba, ne'ebé la hatene saida mak akontese iha ne'ebá," dehan Cárceres, hafoin hasoru malu ho prezidente Parlamentu Nasionál, iha PN, Kinta 13/08.

Entretantu, kazu kona-ba membru FMTL ne'ebe hetan ameasa husi pesoal PSIK rejista ona iha Ministériu Públiku inklui Provedoria Diretus Humanus no Justisa (PDHJ). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks