"Sim, ami iha ona planu no sei hahú iha semana oin, ida ne'e sei kontinua fali hanesan uluk hodi follow up. Tanba ami mós agora ho doadór husi Komisaun Anti Korrupsaun (KAK)", hateten Diretora Ezekutivu JSMP, Ana Paula Marçal, ba jornalísta sira, iha salaun JSMP Kanosa Haas-Laran, Dili, (17/07).

Maske nune'e, nia dehan, formasaun ne'ebé atu halao, nia mekanízmu diferente uitoan. Tanba ukuk halibur jornalísta hotu iha fatin ida, maibé agira sei tun direta ba kada instituisaun média.

"Tanba itaboot sira mós tenke duni ita-boot sira-nia notísia, entaun oinsá ami koopera ho ita-boot sira-nia média hodi husu ita-boot sira prontu iha loron saida", hateten nia.

Nia husu, ba jornalísta sira apoiu nafatin JSMP liuhusi tranzmite informasaun ba públiku hodi bele hatene kona-ba atividade saída de'it mak JSMP halo.

"Ami nafatin tau fiar ba ita-boot sira, tanba ami mesak labele halo buat ruma, bainhira sem jornalísta, no ida nee ami tenke onestu tanba ita-boot sira maka hatutan informasaun", dehan nia. (*)