Arão Konsidera Desizaun TR Invalidu No Ilegal

Temopotimor (Dili)- Eis-prezidente Parlamentu Nasional Arão Noé de Jesus da Costa Amaral konsidera desizaun Tribunal Rekursu ne'ebe fo resposta ba pedidu rekerimentu atu husu legalidade ba distituisaun ne'e nulu ou ilegal.

"Despaisu ne'ebe Venerendu juiz Deolindo di Santos iha kualidade nu'udár Prezidente Tribunal Rekursu hatun ba hau hodi kestiona hau nia lejitimidade nu'udár rekerente ne'e ilegal, tanba la tuir kodigu prosesu sivil artigu 186", dehan Arão Noé liu-husi konferensia imprensa iha Fatin bankada CNRT Parlamentu Nasional, segunda (25/5).

Deputadu Arão Noé sublina, Artigu 186 husi Kódigu Prosesu Sivíl Rekere Distribuisaun Prosesu sira ne'ebé tama iha Tribunal Rekursu ba Juiz Koletivu no Rekere deliberasaun husi Juiz Koletivu. Despaxu ne'ebé Venerandu Juiz Deolindo do Santos hatún ba ha'u ne'e laliu husi Deliberasaun Juiz Koletivu, tanba ne'e konsidera nulu.

Nia argumenta, Despaxu husi desizaun singular sein li hosi deliberasaun plenária Juiz koletivu ne'e, tau em kestaun Venerendu Juiz Deolindo do Santos nia aparsialidade ba ha'u nia pedidu fiskalizasaun abstrata konstitusionálidade ne'ebé ha'u hatama ba Tribunal Rekursu.

Tanba despaxu ida ne'e viola Kódigu Prosesu Sivíl Artigu 186 ne'ebé lá foti liuhosi kofñiesimentu Juiz koletivu, nune'e konsidera nulu ka inválidu tuir Kódigu Prosesu Sivíl Artigu 416 (d).

"Ho violasaun ba Artigu husi Kódigu Prosesu Sivil hanesan temi iha leten ne'e, ha'u Rekere ba Venerendu juiz Deolindo do Santos atu: a). Revoga despaxu iha loron 22 Maiu 2020 tanba ilegál no nulu; b) Ordena imediata distribuisaun prosesu ne'ebé ha'u submete no ha'u rekere imparsialidade husi Tribunal Rekursu", esplika Arão Noé.

Nia akresenta, Venerendu Juiz Deolindo do Santos nia despaxu hodi husu ha'u nia lejitimidade nu'udar Rekerente ne'e estrañu, tanba Pedidu ne'ebé ha'u hatama ne'e atu husu ba Tribunal se Prosesu Destituisaun ba ha'u ne'e tuir Konstituisaun no lei oan sira ka lae, la'ós kestiona fali ha'u nia lejitimidade.

Maske nune'e, Eis-prezidente Parlamentu NasionalArão Noé de Jesus da Costa Amaral kontinua hein desizaun husi Tribunal Rekursu.

 

VIDEO PUBLISIDADE APELU HUSI PM TAUR APLAUS BA FRONT LINE

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.