"Ha'u sei rekore ba tribunál hodi buka lia loos ba ida ne'e, foin mak hatene loloos, se prosesu ne'e legál, ha'u sei kumpri," dehan Arão Noé iha PN, Tersa (19/05).

"Ha’u buka meiu para enkamina kedas ba Tribunál, atu tempu hira, ha'u sei la promete, maibé ha'u hatene katak ha’u sei halo rekursu ba tribunal hodi defende lia loos," dehan Arão Noé. 

VIDEO PUBLISIDADE APELU HUSI PM TAUR APLAUS BA FRONT LINE

Keixa ka rekursu ne’ebé Arão aei halo, la’ós atu defende kargu nu’udár Prezidente PN, maibé, buka lia loos.

"Ha'u la'ós defende ha'u nia aan para nafatin hanesan prezidente PN, ne'e lae, tanba PPN ne'e sasan ida ne'ebé ema fó, loron ida ema bele hasai fali, ne'ebé ha’u laiha problema, mais importante mak prosesu sira la'o tuir prosesu legál," Arão subliña.

Maske pronunsia ona katak la defende pozisaun maibe nia mós promete sei kontinua hala’o knar hanesan Prezidente Parlamentu Nasionál tanba sei hein rezultadu husi Tribunál atu ofisializa elisaun ba Prezidente PN foun.

"Ha'u sei hala'o ha'u nia knaar, tanba buat ida ne'e seidauk ofisializa, entaun ita hein desizaun husi tribunál," nia dehan.