Print this page

Husu Ona Deskulpa Mas Olinda Prontu Hein Rigoberto iha 'Dalan Kloot'

Deputada husi partidu KHUNTO, Olinda Guterres ko'alia ba jornalista sira iha Parlamentu Nasional (30/4) Deputada husi partidu KHUNTO, Olinda Guterres ko'alia ba jornalista sira iha Parlamentu Nasional (30/4) Foto Tempo Timor

Tempotimor (Dili) - Hafoin hasai deklarasaun kona-ba deskonfia involvimentu Sekretariu Jerál interinu Partidu CNRT, Jacinto Rigoberto iha ameasa Konselleiru Másimu Partidu KHUNTO, Jose dos Santos 'Naimori' Bucar ho kilat, deputada Olinda Guterres prontu atu responsabiliza ninia deklarasaun.

Deputada Olinda prontu atu hein Sekretariu Jeral interinu iha 'dalan-kloot' justisa nian bainhira kazu ne'e prosesa duni ba oin.

"Se Sr. Rigoberto mak sente ba la diak ,dalan barak, atu liuhusi dalan ida ne'ebé ha'u prontu tuir, maibe iha dia 24 Marsu ultimu konferensia ha'u liuhusi telfone husu ona deskulpa ba Sr. Rigoberto, no agora hau rona tan fali atu lori hau ba Ministériu Públiku ne'ebé nu'udar deputada ha'u prontu atu ba, banhira de'it ha'u prontu", dehan nia, iha Parlamentu Nasionál, Kinta (30/4).

VIDEO PUBLISIDADE APELU HUSI PM TAUR APLAUS BA FRONT LINE

 

Nia afirma, partidu mak haruka mai tur iha Parlamentu, maibe iha momentu ne'ebá hau ko'alia la'os reprezenta partidu nia-naran.

"Ha'u hanesan deputada saida de'it mak ha'u rona tenke hato'o para hotu-hotu bele tau matan lisuk, la'os atu lori fali ba problema", tenik nia.

Nia dehan, informasaun ne'ebé hetan nu'udar deputada iha obrigasaun tenke hato'o, maibe iha ema balun ne'ebé sente la diak dalan iha atu lori ba ne'ebé de'it nia prontu.

"Ha'u prontu maibé ha'u la lori partidu nia-naran, ha'u lori ha'u pesoal nudar inan ba Naimori. Hadomi nu'udar hau-nia oan, tanba ne'e bainhira mak Estadu ka se de'it mak bolu ha'u prontu", tenik nia.

Antes ne'e, iha ema balun uza karreta mutin sapa matrikula husi kotuk no oin hasai hotu ba  rezidensia Konseleiru Másimu Partidu KHUNTO, Jose do Santos 'Naimori' Bukar no to'o iha rezidensia oin hasai kilat. (*)

 

Rate this item
(1 Vote)
Last modified on Saturday, 09 May 2020 14:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items