Kazu omesídu ne’e, hodi oho matebian Isaac Hornai Baptista, iha sesta (06/01) iha área Elemloi, Aldeia São José Ai-meti Laran, Suku Komoro, Postu Administrativu Dom Aleixo, Munisípiu Dili.

 "Ministru justisa informa rezultadu kona-ba kazu sona malu iha jardim BJ Habibi, suspeitu agora iha prosesu nia laran no kazu elemloi sei prosesu suspeitu iha tempu badak nia laran sei hetan justisa ida verdade", dehan nia, hafoin sorumutu ho Primeiru Ministru, Taur Matan Ruak, kinta (26/01).

Nune’e, Primeiru Ministru, Taur Matan Ruak konvida ona Ministru Justisa, Vise Ministru interiór, Komandante Jerál PNTL, PCIC no SNI ko'alia kona-ba kazu hirak ne'e nia prosesu.

"Liuliu autoridade sira ne'ebé hetan delegasaun kompetensia tuir lei orgaun investigasaun kriminal nian hodi halo prosedementu penal no investigasaun ninian", nia husu.

PM mós husu atu kompri regras normas prosesuais ninian, ne’ebé hatur ona iha lei, tanba dekretu lei ida-idak ho ninia natureza no kompetensia atu atende ba kazu sira.

"Autoridade investigasaun sira kontinua esforsu, no mós relata hotu informasaun kazu deskkonfia tara-aan iha sela polísia, maibé ne'e iha kompetensia Ministéru Públiku mak iha autoridade hodi prosesu kazu ne'e ba tribunal", nia informa.

Tanba, tuir lei governu la iha kompetensia ba kazu prosesu penal no kriminal ne'ebé akontese iha rai laran. (*)