Login to your account

Username *
Password *
Remember Me

Sobu Moru Markoni, SETP 'Sadik' Kompañia no Advogadu Lori ba Tribunal

Ekipa Konjunta hosi Ministeriu Justisa sobu hela moru ne'ebe kompania harii iha Markoni, Kinta (20/10). Ekipa Konjunta hosi Ministeriu Justisa sobu hela moru ne'ebe kompania harii iha Markoni, Kinta (20/10). Foto Tempo Timor

Tempotimor (Dili)-Diretór Jeral Terras no Propriedade (DJTP), Lucas António da Conceição sadik kompania ho nia advogadu atu rekore ba tribunal hodi kontra asaun hamamuk rai Marconi ne'ebé Ministériu Justisa (MJ) no Sekretáriu Estadu Terras e Propriedade (SETP) hala'o liuhusi ekipa konjunta.

"Ohin sobu, dalan mak ne'e ona, ida-ne'e ami sei sobu hotu, filafali ba situasaun normal, rai ne’e estadu nian, kuandu ita-nia advogadu sira hakarak akompaña ida-ne'e, dalan mak ne'e, se de'it mak la kontente ho prosesu ne'e, rekore ba tribunal, mak ne'e de'it," Diretór Lucas sadik hafoin ekipa konjunta sobu moru kalen ne'ebé kompañia konstroi iha Área Marconi, Suku Fatuhada, Kinta (20/10).

Bainhira se de'it mak sente aan,katak, na'in ba rai Marconi, lori ba tribunal, tanba tribunal mak sei haree no tetu liuhosi evidénsia ka dokumentu ne'ebé sira aprezenta.

Maibé, infelizmente rai Marconi ne'e, agora estadu tenke asegura uluk tanba rai ida-ne'e pertense ba domíniu estadu nian no estadu mak administra.

"Atu hatete katak, ema klaim rai iha ne’ene, tanba nia dokumentu la prienxe rekezitu, laiha sertifikadu, buat sira-ne'e hotu, prontu ba tribunal mak ita haree de'it," Nia afirma.

Diretór ne’e akresenta, Sekretáriu Estadu Terras no Propriedade mós husu ba entidade hotu ne’ebé okupa rai estadu ba atividade buat ruma ko'alia ho estadu, atu regulariza ho arendamentu.

"Liliu rai ne’ebé propriedade estadu nian, estadu mak sei administra, se de'it mak hakarak uza ba atividade negósiu, tenke ko'alia ho estadu para halo regulariza ba arendamentu. Purtantu parte SETP mós sei la nonok, atu proteze rai estadu, tuir desizaun no orden estadu ne'ebé iha," Diretór ne’e esplika.

Koordenadór Kazu Rede ba Rai (RbR), Domingos de Andrade hatete, rezultadu akompañamentu husi rede ba rai nian durante ne'e atu hatudu pozisaun ba públiku, katak rede ba rai sempre defende lialoos kona-ba saida mak povu no saida mak estadu nian.

"Entaun fatin ida agora dadaun iha Marconi hanesan ita hothotu akompaña, ne'e hanesan pertense ba públiku no estadu nian, tanba dokumentu sira ne'ebé kompaña aprezenta hodi reklama ne'e, laiha baze legál ne'ebé forte, atu konsidera rai ida-ne'e pertense ba ema indívidu ruma, ne'e duni, rai Marconi ne'e nu’udar patrimóniu estadu nian, entaun tenke fila ba estadu mak administra," Domingos afirma.

Entretantu, asaun sobu moru ne’ebé kompñia konstroi iha rai Marconi, parte tasi ibun ne’e hala’o ohin (20/10) tuku 08:50 dader otl, no ekipa konjunta refere mai hosi Ministériu Justisa ne’ebé hetan akompañadu hosi Polísia Nasionál Timor-Leste (PNTL), ekipa Sanemanentu Munisípiu Dili inklui komunidade sira.(*)

Rate this item
(2 votes)
Last modified on Thursday, 20 October 2022 12:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter