"CAC la nonok, ba iha prosesu saida de'it, kontinua halo investigasaun, informasaun saida de'it kuandu CAC haree iha indisiu krime, informasaun sira-ne'e ita rekolla submete ba ministériu públiku, rejista auto-inkéritu depois ita wainhira ministériu públika delega filafali mai, ita halo investigasaun, e tratamentu ba kazu hotu hanesan," dehan Diretor Jerál Investigasaun CAC, José de Araujo ba www.tempotimor.com iha knaar fatin farol, kuarta (19/10).

Purtantu kona-ba kazu RAEOA-ZEEMS, prosesu investigasaun hala'o hela, nune’e sei lori tempu, tanba ida ne'e liga ho korupsaun, la'os hanesan krime babain.

"Sim investigasaun ba kazu ida-ne'e, la'o hela, ne'ebé ha'u hanoin kazu korupsaun ne'e la'os hanesan krime baibain, ne'ebé prosesu investigasaun presiza han tempu," nia afirma.

CAC kontinua halo investigasain, tanba presiza iha dokumentu no testamuña, dokumentu sira ne'ebé halibur, la'os atu utiliza hotu, maibé presiza halo análiza.

"Tenke halo análiza para depois nu fin ita-bele iha konkluzaun ida, eh ida ne'e prosesu la'o nafatin, ne'ebe agora dadaun iha ona prosesu investigasaun," nia hatete. (*)