Login to your account

Username *
Password *
Remember Me

PN Aprova Medida Estruturante Reforsa Setór Justisa

Prezidente Parlamentu Nasionál (PN), Aniceto Longuinhos Guterres Lopes. Prezidente Parlamentu Nasionál (PN), Aniceto Longuinhos Guterres Lopes. Foto Tempo Timor

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes hatete, iha sesaun legislativa da-hat liu-ba Parlamentu Nasional (PN) konsege aprova medida estruturante balun hodi reforsa ba seitor justisa iha Timor-Leste.

"Parlamentu Nasional hatudu kumprimentu ba nia kompetensia konstitusional sira liu husi aktu legislativus no aktu politku lobuk ida ne'ebé ha'u sei destaka de'it balun hanesan tuir mai. Aprova medidas estrurante sira hodi reforsa setor justisa," dehan nia liuhusi serimonia abertura ba sesaun lejislativa dalimak iha kinta lejislatura iha plenaria PN, kinta (15/09).

Medida estrutura mak hanesan Lei  kona-ba organização judiciária, Lei numeru .25/2021, 2 de dezembro; Lei kona-ba organização e funcionamento dos Tribunais; Lei númeru 25/2021, 2 de dezembro; Lei kona-ba Estatuto do Ministério Público, Lei númeru 7/2022, 19 de maio, no Lei no.9/2022, 13 de julho, kona-ba Organização da Investigação Criminal.

Maibe, atu reforsa setor judisiariu mak Parlamentu Nasional aprova Rezolusaun no.1/2022, 19 janeiro, kona-ba eleisaun vogal ida hodi okupa pozisaun iha Conselho Superior da Magistratura Judicial no dezigna membru nain-rua hodi reprezenta Parlamento Nacional iha Comissão do Recrutamento e Seleção dos Juízes do Supremo Tribunal de Justiça e Juízes do Tribunal de Recurso (Res.no.19/2022, 6 julho).

Nune'e mos Dezigna membru na’in rua representa Parlamento Nacional iha Comissão de Recrutamento e Seleção do Procurador da República de Recurso e Procuradores da República de Recurso (Res.no.25/2022, 13 julho).

Husi Medida sira ne'ebé Parlamntu Nasional foti ne’e, atu reforsa funsionamentu setor justisa to'o nivel instalasaun Supremo Tribunal de Justiça hodi garante asesu justisa ba sidadaun hotu-hotu, asegura serteza ba desizaun sira husi tribunal.

Medida hirak ne’e loke dalan ba kriasaun fazeada, sirkulu judicial iha munisipiu sira, halo adaptasaun estrutura interna tuir mapa judisiariu foun, prepara ba sira nia modernizasaun iha futuru,  hodi hakbesik justisa formal ba populasaun sira. 

Ih ne'e, Parlamentu Nasional halo aprovasaun ba Estatuto dos Magistrados Judiciais no Estatuto do Ministério Público no kria Komisaun sira iha ambitu fortalesimentu setor justisa hodi hala'o rekrutamentu ba magistradu sira ne'ebe sei kaer funsaun iha tribunal superior ho baze méritu profesional.

Aleinde Parlamentu Nasional aprova mos kuadru legal ba Poder Local no Decentralização Administrativa, Lei no.23/2021, 10 de novembro no ba Eleisaun Municipal, Lei no.22/2021, 4 de novembro. Lei rua ne’e loke dalan ba kriasaun Poder Lokal hodi hakbesik governasaun ba povu no envolve povu iha governasaun.

Nune'e tuir mai, lei rua ne’ebé Governu mos aprezenta ona Proposta Lei kona-ba Finansas Lokal nian ba Parlamentu Nasional.

Parlamento Nacional aprova mos Lei no.2/2022, 10 de fevereiro kona-ba Enquadramento Orçamental e Gestão das Finanças Públicas nebe reforma lei anterior hodi moderniza sistema finanças públicas Timor-Leste nian. Nudar sekuensia husi aprovsaun lei ida ne’e, Governu aprezenta ba dala-uluk Lei das Grandes opções do Plano para 2023, Lei no.8/2022, 5 de junho, ne'ebe defini opsaun importante no boot ba investimentu ne’ebé tenki hala'o iha tinan 2023. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter