“Ita lamenta ho akontesimentu ida-ne'e tuir loloos labele akontese ona tanba iha hakarak ne'e Timor ne'e hakmatek”, dehan nia ba jornalista sira iha nia knaar fatin, Bairos Sentrál, tersa (06/09).

Alende ne'e lamenta mós ho serbisu PNTL ne'ebé mak la asegura másimu iha ba atividade joven nen ne'ebé halo komboiu hafoin hakoi matebian José Bernardo ne'ebé tara-an iha Sela Detensaun Kaikoli.

“Ita lamenta ho serbisu Polísia Nasionál Timor-Leste (PNTL) husi Autoridade seguransa tenke fó seguransa másimu durante periodu liga ho kazu ida-ne'e atu nune'e labele mosu konflitu hanesan horseik (05/09)”, hatete nia.

Tanba hafoin hakoi Matebian José Bernardo no joven sira fila mak hetan asaltu husi joven sira no konsege hakanek membru F-FDTL ida rezulta ulun kanek.

Nune'e husu Polísia Nasionál Timor-Leste atu halibur dadus hodi bele kaptura suspeitu ne'ebé mak envolve no rezulta membru FALINTIL-Forsa Defeza Timor-Leste ida hetan kanek iha ulun. (*)