Print this page

Família Hakarak Entrega Mate Isin JB ba PSIK Halo Autopsia

By September 02, 2022 758
Situasaun iha Sela detenmsaun PNTL hafoin JB tara-an. Situasaun iha Sela detenmsaun PNTL hafoin JB tara-an. Foto Suplay

Tempotimor (Dili)-Família Matebian liliu Inan, Rejina Soares hakarak  entrega matebian ho inisial JB ba Polísia Sientífiku Investigasaun Kriminál (PSIK) hodi halo Autopsia atu hatene kona-ba motivu matebian tara-an iha Sela Detensaun Polísia Nasionál Timor-Leste (PNTL) iha Komandu Munisípiu Díli.

“Ha'u husu, PSIK mak kaer de'it iha Autopsia ne'e, ha'u husu ba PSIK de'it mak halo investigasaun ba ha'u-nia oan labele fó ba sese mak ha'u hakarak PSIK”, dehan nia ba jornalista sira iha Hospital Nasionál Guidu Valadares, kinta (01/09).

Nune'e inan matebian JB ne'e husu ba Komandu Polísia sira atu tau tau membru hodi hein Sela Detensaun ne'e labele halimar de'it mak telefone maibé halo servisu ho Profesionál.

“Husu ba boot sira hotu mate mak ha'u nia oan ona, iha Sell nia laran ne'e, tara an ka oho ka ne'e ha'u la hatene, halo favór boot ba Polísia boot sira atu tau ema ne'ebé mak haree sel tau ema ne'ebé tau ema ne'ebé mak hatene kakutak joga keta tau kakutak tik tok iha laran no tau telefone mak iha laran”, afirma nia.

Iha kalan kinta (01/09) derepente de'it matebian tara-an ho fiu internet ne'ebé mak liga iha sela detensaun iha oras tuku 8:00

Tuir kronolojia katak, José Bernardo halo konflitu besik estadiu Munisípiu Dili, tanba ne'e mak PNTL detein iha sela durante oras 12 nian laran, ikus mais José hakotu nia vida liuhusi tara-an.

Tuir Informasaun ne'ebé www.tempotimor.com rekolla iha terenu katak, antes ne'e matebian JB baku malu sidadaun ida to'o Baixa iha Hospital Nasional Guidu Valadares (HNGV) tanba sofre kanek todan.

Hafoin nia baku tiha sidadaun Baixa iha HNGV Polísia Nasionál Timor Leste liuhusi Komandu Dili kaptura kedas iha Sela Detensaun Kaikoli durante oras 12.

Maibé realidade matebian hakotu nia peregrinasaun liuhusi tara-an iha Sela Detensaun Kaikoli. (*)

Rate this item
(1 Vote)
Last modified on Friday, 02 September 2022 14:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items