Login to your account

Username *
Password *
Remember Me

Sidadaun Indonézia Suhendra Defama SEKOOP liuhusi Mídia Sosiál

Sidadaun Indonezia Suhendra ne'ebe defama Sekretariu Estadu, Elizario Ferreira. Sidadaun Indonezia Suhendra ne'ebe defama Sekretariu Estadu, Elizario Ferreira. Foto Suplay

Tempotimor (Dili)-Sidadaun Indonézia ho naran Suhendra Akbar utiliza númeru operadór telekomunikasaun telemor  +670 7558 3637 hodi defama Sekretáriu Estadu Kooperativa (SEKOOP), Elizário Ferreira tanba nia produz vídeo falsu públika.

SEKOOP Elizário Ferreira, halo klarifikasaun ba kronolojia ne’ebé akontese katak, nia rekoñese simu kontaktu husi númeru WhstssAap (WA) +670 7558 3637 duni maibé Sidadaun Indonézia rasik inventadu ho vídeo pornografia seluk.

“Iha loron sesta 12 Agostu 2022, kalan iha 22;30, kalan ha’u hala’o serbisu iha fatin deskansa otel Vila Nova-Suai, bainhira hala’o hela ha’u-nia serbisu ha’u simu telefone ema liuhusi WhstssAap (WA) ho númeru +670 7558 3637. Via vídeo call, ho okupadu serbisu ha’u atende telefone maibé ha’u tuur hodi halo nafatin ha’u-nia serbisu no tanba tuur kole ha’u hamriik hodi lee natatin dokumentu iha Laptop maibé hamri’ik, ha’u la nota katak ema ne'ebé kontaktu ha’u halo hela filma ha’u”, dehan nia ba www.tempotimor.com iha nia kna’ar fatin, Akait, segunda (22/08).

Nia hatutan katak, sidadaun husu osan rihun $1 (1.000) atu hamoos vídeo gravadu ne'e maibé SEKOOP laiha osan hodi manda ba, maibé manda de’it $250 ba nia konta bankária.

“Iha loron sábadu 13 Agostu 2022, númeru mak temi telefone ha’u hodi hatete mai ha’u katak nia naran Suhendra Akbar dokumentu iha anexa, uza númeru ne'ebé hanesan hodi hatete mai ha’u katak nia serbisu iha mídia online no nia hetan ha’u-nia vídeo porno tanba ne'e nia husu $ 1,000 mil dollar hodi nia bele hamos vídeo ha’u-nian depois de ha’u transfere osan nia hamos kedas”, informa nia.

Alende ne’e nia, SEKOOP mós halo karta ida ba Polísia Nasionál Investigasaun Siéntifiku Kriminál (PNSIK) atu buka tuir autór ne’ebé kontaktu SEKOOP hodi halo Vídeo inventadu refere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter