Login to your account

Username *
Password *
Remember Me

Lere Prefere TDD Aplika Prizaun Preventiva ba Arguidu Komete Kazu Droga

Tenente Jenerál Reformadu Lere Anan Timur. Tenente Jenerál Reformadu Lere Anan Timur. Foto Suplay

Tempotimor (Manatuto)-Tenente Jenerál Reformadu Lere Anan Timur prefere, Tribunál Distritál Dili (TDD) aplika Prizaun Preventiva ba arguidu na'in-sia (9) ne'ebé mak konsumu droga iha Timor-Leste, tanba kazu ne'e akontese hanesan Prizioneiru Afuku nomós Matebian Juga Gama.

“Konsumu Droga ne'e la'ós buat foun, se uluk aplika ba Juga Gama, Afuku Konsumu Droga mak tama Kadeia, se sira na'in-sia ne'e mak konsumu droga hanesan Juga Gama no Afuku sira ne'e mós uluk konsumu droga kuandu kaer sira, sira ba kadeia e hanoin katak ida-ne'e kazu foun para, tenke hanesan”, dehan Lere ba jornalista sira iha Manatuto, sesta (19/08).

Ba kazu droga ne'e ameasa boot ba futuru nasaun nian, tanba Timór Leste nasaun viziñu Indonézia no Austrália nune'e problema hotu ne'ebé Timor-Leste sente nasaun viziñu sira mós sente hothotu nia konsekuénsia.

“Tanba ne'e mak juridiku parte lei nian Tribunál tenke toma mós medida ne'ebé koresponde ba situasaun agora ita lakohi Timor sai hanesan fonte ne'ebé ke ema krime organizadu aproveita”, afirma nia.

Nune'e Governu mós tenke tau atensaun ba kazu tráfiku umanu, tanba hahú hatudu indisiu balun ne'ebé mak akontese joven barak ba rai li'ur vítima iha ema nia rai liliu nasaun Portugál.

“Ita ba joventude sira feto mane ba ema nia rain ne'ebá la organizadu e sira ne'eba ne'e terus halerik buat sira ne'e hotu”, hatete nia. (*)

Rate this item
(1 Vote)
Last modified on Saturday, 20 August 2022 18:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter