Login to your account

Username *
Password *
Remember Me

SIP Nasionál Asegura Joven Na’in-5 ho Evidénsia Motorizada 2

Suspeitu na'in-lima tula hela motorizada ba karreta PNTL. Suspeitu na'in-lima tula hela motorizada ba karreta PNTL. Foto Suplay

Tempotimor (Dili)-Polísia Nasionál Timor-Leste (PNTL) liuhusi Servisu Informasaun Polísia (SIP) Nasionál hamutuk ho SNI (Servisu Nasionál Intelijensia) halo buska no asegura joven na’in-5 ne’ebé envolve iha kazu na’ok motorizada ida lakon iha loron 6 agostu 2022, iha Aldeia Boulok Fugira, Suku Dare, Postu Administrativu Vera-Cruz, Munisipiu Dili.

Tuir informasaun ne’ebé www.tempotimor.com, asesu iha pájina PNTL, kuarta (10/08) katak, hafoin simu orientasaun husi Xefe SIP Nasionál hamutuk ho SNI buka tuir autór sira ba krime públiku.

Iha inisia tuku 9 kalan Ekipa Servisu rekolla uluk informasaun iha fatin akontesementu motorizada lakon no konsege identifika uluk suspeitu na’in-3 ho naran inisiál MP, tinan 22, hela iha Dare, CS, tinan 21 hela iha Lahane Osidentál, no AT, tinan 23 hela iha Lahane Osidentál, lori mai iha edifisiu SIPN hodi halo identifikasaun.

Iha prosesu identifikasaun suspeitu sira koopera di’ak hodi deklara katak motorizada ne’e suspeitu na’in-2 seluk ho naran MF alias MM, tinan 27, no LC, tinan 29 no sira na’in-rua hela iha Suku Mascarenhas, ne’ebé halo kna’ar hodi fa’an motorizada ba JAF iha Postu-Administrativu Lekidoe, Munisípiu Aileu.

Hafoin rona deklarasaun ekipa SIP Nasionál hamutuk ho suspeitu sira ba kedas Liquidoe hodi hatudu fatin no to’o iha dalan klaran konsege kaptura suspeitu na’in-rua iha oras tuku 12:27 hamutuk ho evidénsia motorizada rua marka Honda Revo Fit, ho númeru polísia G.4823 no E.7321 iha Aldea Deluhati, Suku Fahisoi, Postu Administrativu Remexio, Munisípiu Aileu.

Suspeitu MF deklaran nia ho nia maluk ida naran JAF mak na’ok motorizada no fa’an ona ba ema ida ho naran JA iha Lequidoe ho folin $300 maibé fó uluk osan ho montante $100.

Ho deklarasaun hirak ne’e ekipa SIP Nasionál ba kedas Lequidoe no foti fali motorizada ne’e iha JA nia rezidénsia ne’ebé Lokaliza iha Aldea Maukornamo, Suku Namolesu, Postu Leqidoe, Munisípiu Aileu, maibé suspeitu JAF konsege halai no ekipa servisu mós buka tuir nafatin tanba nia nu’udar autór prinsipál ba kazu na’ok motorizada refere.

Hafoin remata prosesu identifikasaun SIPN ho SNI halo kedas auto entrega suspeitu na’in-5 ba Servisu Investigasaun Kriminál Nasionál hodi asegura iha Komandu PNTL Munisípiu Dili no halo detensaun durante 72h no sei kontinua halo prosesu investigasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter