Print this page

KAK Kontinua Halo ‘Investigasaun’ ba Kazu Guarda Floresta no Konstrusaun Igreja Aimutin

Komisiáriu Komisaun Anti Korrupsaun (KAK), Sergio Hornai. Komisiáriu Komisaun Anti Korrupsaun (KAK), Sergio Hornai. Foto Suplay

Tempotimor (Dili)-Komisaun Anti Korrupsaun (KAK) dadaun ne’e kontinua halo investigasaun (averiguasaun) ba kazu Guarda floresta nomós kazu konstrusaun igreja Aimutin.

“Prosesu sira ita halo hela Averiguasaun balun. Ita mós ko'alia ona ho ekipa sira atubele halo nafatin”, dehan Komisiáriu KAK, Sergio Hornai iha Palásiu Prezidensial Bairo Pite, segunda (07/08).

Maske kazu Guarda floresta iha ona prosesu averiguasaun husi KAK maibé servisu Administrativa sira ne'ebé tutela ba Ministériu relavante, ida-ne'e KAK fó nafatin akonselamentu atu halo melloramentu.

Nune'e ba sira ne'ebé mak haree katak iha infransaun kriminál, ida-ne'e KAK sei halo prosesu tuir dalan legál no tuir lei sira ne'ebé ejiste ona.

Maibé kona-ba kazu konstrusaun Igreja Aimutin ne'e, parte KAK husu nafatin ba sarani no sidadaun hothotu ninia kolaborasaun atubele loke denunsia.

“Denunsia ne'e katak sidadaun no eleinku hothotu no ema Katóliku hothotu ne'ebé iha bele maihusi inisiativa nomós bele mai rasik husi keixa sira ne'ebé maihusi sidadaun para ita bele promove investigasaun Kriminál sira”, afirma nia.

Maske iha prosesu ida-ne'e, inisiativa balun KAK halo dadauk ona maibé sei demora presiza haree nia prosesu ne'e la'o to'o ona iha ne'ebé, entaun nia prosesu investigasaun mós sei tuir de'it ida-ne'e.

“Bom tanba iha ida-ne'e iha matéria investigasaun, ha'u labele halo pronunsia ho antisidensia kuandu ita-nia ekipa sira sei halo hela servisu balun. Bom ita-nia servisu ofisiál balun ita halo hanesan orgaun Polísia Kriminál”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items