Login to your account

Username *
Password *
Remember Me

KAK Sei Lee Relatóriu Implementasaun Sesta Bázika Husi Ekipa Konjunta

Ai-han Sesta Bazika ne'ebe Kompana prepara hodi oferese ba Benifisiariu sira. Ai-han Sesta Bazika ne'ebe Kompana prepara hodi oferese ba Benifisiariu sira. Foto Suplay

Tempotimor (Dili)-Komisiáriu Komisaun Anti Korrupsaun (KAK), Sergio Hornai hatete, nia parte sei lee relatóriu husi ekipa konjuta kona-ba implementasaun programa Sesta Bázika faze daruak nian ne'ebé hala'o iha Teritóriu tomak.

“Bom Komisaun Anti Korrupsaun ho ekipa ne'ebé konstituidu PDHJ nomós instituisaun relavante sira seluseluk. Ha'u simu ona relatóriu iha sesta-feita liubá e ha'u halo hela leitura”, dehan nia iha Palásiu Prezidensial Bairo Pite, segunda (08/08).

Ba relatóriu refere, mak KAK mós sei halo koordenasaun ida metin liután ho ekipa ne'ebé konstituidu iha KAK, atu oinsá bele haree Sekretariadu tékniku ida ba implementasaun Sesta Bázika husi Sekretáriu Estadu nomós Ministériu relavante ne'ebé simu Responsabilidade ba implementasaun Sesta Bázika.

Maske iha Implementasaun programa Sesta Bázika ida-ne'e importante, tanba ne'e desizaun polítika ida, maibé públiku presiza haree nia implementasaun tenke ho efisiénsia halo tuir kuilaidade ne'ebé iha.

Husi Relatóriu ne'ebé KAK iha, sei nafatin halo esforsu sira atubele iha deskobrimentu hanesan kestaun sira ne'ebé tenta atu hasa'e folin hahán.

“Bom Dekretu-lei hatete katak labele menus (kuran) husi $50 dolar kada benifisiáriu sira. Perguntas serake benifisiáriu sira simu duni to'o $50 ho nia kuantidade ho kualidade hanesan temi ona dadauk iha dekretu-lei ne'e ga la'e, agora nia implementasaun ne'e se mak responsável”, esplika nia.

Maibé ba kazu ida-ne'e, KAK lakohi ko'alia kazu iha fatin ida de'it maibé kazu konkretu iha fatin ne'ebé mosu iha fatin-fatin, purzemplu iha Likisá, Ermera, Manatutu nomós Munisípiu tomak ne'ebé mak sei asesu ba implementasaun Sesta Bázika, hothotu KAK sei haree.

“Siknifika katak ha'u husu nafatin mídia komunikasaun sosial, ita-boot sira-nia públisidade iha WhatsApp, Facebook ka iha mídia Online sira, ami akompaña hela situasaun ida-ne'e hamutuk ho autoridade sira selseluk”, haktenik nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter