Print this page

MJ ho KAK Diskute Kontrolu ba Arrendatáriu Sira

Ministru Justisa (MJ), Tiago Amaral Sarmento hasai foto hamutuk ho Komisáriu Komisaun Anti Korrupsaun (KAK), Sergio Hornai ho ninia Adjuntu, Luis de Oliveira Sampaio no ekipa sira. Ministru Justisa (MJ), Tiago Amaral Sarmento hasai foto hamutuk ho Komisáriu Komisaun Anti Korrupsaun (KAK), Sergio Hornai ho ninia Adjuntu, Luis de Oliveira Sampaio no ekipa sira. Foto Suplay

Tempotimor (Dili)-Ministru Justisa (MJ), Tiago Amaral Sarmento hamutuk ho Komisáriu Komisaun Anti Korrupsaun (KAK), Sergio Hornai ho ninia Adjuntu, Luis de Oliveira Sampaio, diskute kontrolu ba arrendatáriu sira, iha Ministériu Justisa, Kolmera, Dili.

Tuir informasaun ne’ebé www.tempotimor.com, asesu iha pájina MJ, tersa (02/08) katak, iha reuniuan ne’ebé hala’o iha oras tuku 9 dader ne’e, Ministru Justisa ho Komisáriu KAK diskute kona-ba implementasaun lei n’umeru.7/2020 de 26 de Agusto Kona-ba Medidas Prevensaun no kombate korrupsaun nomós atu iha di’ak liután kooperasaun servisu ida di’ak entre Ministériu Justisa no KAK iha ambitu kombate krime korrupsaun.

Liuhusi desmantela krime korrupsaun foti medida ba prevensaun krime Korrupsaun, halo sensibilizasaun ba públiku kona-ba medida prevensaun korrupsaun nomós atu promove investigasaun Kriminál iha área korrupsaun nian.

Komissário KACK, Sergio Hornai mós atualiza ba Ministru Justisa kona-ba progressu ba deklarasaun rikusoin, bens interesse no rendimentus ne’ebé la’o di’ak tebes.

Iha asuntu ne’ebé konkorda iha reuniuo ne’e mak sei estabelese memorandum de entendimentu entre Ministériu Justisa ho KAK iha área hanesan: kapasitasaun ba espesialista anti korrupsaun liuhusi Sentru Formasaun Jurídiku no Judisiáriu, servisu hamutuk hodi halo sensibilizasaun ba públiku kona-ba medidas prevensaun korrupsaun, nomós Ministériu Justisa nia partisipasaun iha estabelese polítika ba promove no kombate korrupsaun tuir Lei MPCC haruka.

Komissáriu KAK mós informa ba Ministru Justisa kona-ba Timor Leste ninia nível transpariuénsia no kombate korrupsaun ne’ebé agora di’ak iha mundu, nomós partisipasaun Estadu Timor-Leste nian iha eventu united nation conventions against corruption (UNCAC) nian.

Reuniaun ne’e akompaña mós husi Diretór Nasionál Assesória Jurídiku no Lejizlasaun (DNAJL), Nelinho Vital no Diretora Rekursu Umanu, Nelinha de Deus. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items