Login to your account

Username *
Password *
Remember Me

MJ Vizita Prizaun Suai, Servisu Rejistu Notáriadu no Terra Propriedade Covalima

Ministru Justisa (MJ), Tiago Amaral Sarmento, hala'o vizita ba Estabelesimentu Prizionál Sua. Ministru Justisa (MJ), Tiago Amaral Sarmento, hala'o vizita ba Estabelesimentu Prizionál Sua. Foto Suplay

Tempotimor (Dili)-Ministru Justisa (MJ), Tiago Amaral Sarmento, halo vizita ba Estabelesimentu Prizionál Suai, Servisu Rejistu Notáriadu no Terra Propriedade hodi haree direta kondisaun fatin refere hafoin hetan inundasaun iha loron 30 Juñu liuba.

Tuir informasaun ne’ebé www.tempotimor.com, asesu husi Gabinete Ministériu Justisa, tersa (19/07) katak, Ministru Tiago hato’o agradesementu liuhusi husu obrigadu direta ba Diretór Estabelesimentu Prizionál Suai, Julio Dias Ximenes, no agradese mós ba Administardór Munisípiu no parte kompetente sira iha Munisípiu Covalima, bainhira halo vizita ba Estabelesimentu Prizional Suai, sesta (15/07).

“Ha’u agradese tebes ba ita-boot nia esforsu, ita-boot nia lideransa. Mininstru Justisa, Vise Ministru Justisa, Sekretáriu Estadu Terra e Propriedade no Diretór Jerál iha ámbitu Miinstériu Justisa tomak, ami akompaña muito bem hahú husi akontesimentu primeiru to’o ohin loron ne’e. Ami hotu depozita konfiansa ba ita-boot mak lidera iha-ne’e, tanba labesik iha ami, taun konfiansa ida-ne’e ami tau tomak iha ita-boot ninia kabas atu hit hamutuk ho ita-boot nia kolen sira iha-ne’e atu atu tau matan ba ita-nia dadue”, hatete Ministru Justisa, Tiago Sarmento.

Maibé importante liu mak atensaun hothotu kumpri lei, bainhira hasai dadur, iha altura ne’e komunika kedan ho Prokuradór Adjuntu, tanba Prokuradór Jerál iha Portugal hela, Komunika mós iha Vise Ministru Interiór hodi husu PNTL atu apoiu.

Tanba iha loron 30 fulan-juñu akontese udan-boot ne’ebé hamosu bee boot tama no hamosu inundasaun iha Estabelesimentu Prizionál Suai, nune’e Diretór Estabelesimentu Prizional Suai, Julio Dias Ximenes kontatu kedas ho Ministru Justisa no halo kedas koordenasaun ho Administradór Munisípiu Covalima no autoridade kompetente hanesan, Bombeiru no PNTL sira hodi hamutuk halo kedas evakuasaun ba guarda prizionál hamutuk 118 ba Aeroportu Internasional Kay Rala Xanana Gusmão, Suai.

Nune’e iha loron tuir mai, konsege reintegra hikas ba Estabelesimentu Prizionál Suai ho kondisaun di’ak, hafoin situasaun iha prizionál laran normal hikas.

Ba Estabelesimentu Prizionál Suai simu prezu sira husi área jurídiksaun, Bobonaro, Ainaro, Manufahi no Covalima rasik, no agora dadaun totál prezu ne’ebé iha hamutuk 118.

Husi prezu 118, kompostu husi prezu kondenadu ema na’in-83 no Prizaun preventiva ema 35, no husi jurídiksaun Ainaro prezu 40, Bobonaro prezu 38, Ainaro 28 no na’in 12 husi Munisípiu Manufahi, ho forsa traballu Guarda Prizionál hamutuk na’in-37.

Iha vizita ne’e akompaña husi Diretór Nasionál foun ba Diresaun Nasionál Servisu Prizionál no Reinsersaun Sosiál, Delfio Soares Alves no xefe departementu sira.

Hafoin vizita Estabelesimentu Prizionál Suai iha dader, no Ministru Justisa ho komitiva kontinua halo vizita ba edifísiu Terras e Propriedades Munisípal Suai hodi reuniaun ho funsiunáriu sira no rona problema no dezafiu ne'ebé Servisu Terras e Propriedades Munisípal enfrenta.

Ministru Justisa, Tiago Amaral Sarmento halo vizita ba Diresaun Rejistu Notariadu Munisipál Suai, hodi halo mós reunain ho funsiunáriu sira no observa direta kondisaun servisu no servisu attendementu públiku iha fatin refere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter