Komandante Polísia Nasionál Timor-Leste (PNTL) Munisípiu Díli, Superintende Xefe Henrique da Costa hatetes, suspeitu sira ne’e entrega ba Ministériu Públiku atu tuir prosesu Julgamentu.
“Suspeitu na’in-4 ne’e ita sei detein iha ne’e 72 oras depois aprezenta ba iha Ministériu Públiku, atu nune’e bele halo julgamentu”, dehan nia iha Komandu PNTL Munisípiu Dili, sesta (15/07).
Hafoin detein oras 72, PNTL hetan despasu husi Ministériu Públiku, no horisehik lokraik ezekuta kedas hodi kaptura suspeitu hamutuk nai'n-4 no sei falta suspeitu na’in-rua ne’ebé mak agora buka hela, mais seidauk hetan.
Tuir kronolojia katak, 09 fulan-jullu tinan 2022, iha oras tuku 08:00 kalan mosu Dan ho violénsia iha área Tasitolu nian, ne’ebé mak envolve suspeitu hamutuk na’in-7 halo agresaun fizika hasoru lezadu Sebestão de Jesu Soares nu’udar kondutór.
“Motivu husi problema ne’e tanba suspeitu sira husu osan ba lezadu atu nune’e hodi hola sigaru, depois lezuadu fó tiha osan ho montante 2.00 USD ba suspeiru sira, maibé suspeitu sira la ba hola sigura maibé ba hola fali tua, depois suspeitu sira kontinua mai nafatin husu osan, nune’e lezadu haran ba sira katak osan laiha entaun suspeitu sira uza agresaun fisika hasoru lezadu”, esplika nia.
Depois insidente sira halai ses husi fatin akontesementu, entaun lezadu ba Eskuadra Dom Aleixo ba hato’o keixa.
“Depois, simu keixa ita-nia parte investigasaun Dom Aleixo nian, halo kedas medida ho hodi foti kedas deklarasaun no submete nian prosesu ba iha Ministériu Públiku, para husu mandadu detentasaun suapeitu ne’ebé mak inditifikadu ona”, informa nia.
Kazu ne'e, envolve Grupu Arte Rituál ba balun iha Timor nian, ne’ebé mak envolve iha insidente Dan Agravadu iha área Tasitolu nian.
“Sira baku lezada kanel iha parte ibun nian tanba ne’e mak lezada ba keixa iha eskuadra Dom Aleixo nian”, katak nia.
Ba akontesimentu ne'e Suspeitu sira tuda rahun karreta lezadu nian ho marka Mini nia, ne’ebé buka pasajeiru iha área Oeste nia. (*)