“Diresaun Jerál Rejistu Notariadu (DGRN) Ministériu Justisa hakarak informa ba públiku katak agora dadaun Sistema Passaporte Eletróniku Timor-Leste (PETL) di’ak fali ona, nune'e hakarak informa ba públiku katak, sesta (08/07) Diresaun Jeral Rejistu Notariadu sei emprime uluk Passaporte ho totál atustolu (300) ne'ebé pendente hela, no sei atende uluk hirak ne'ebé mak urjente (pasiente) de’it”, informa komunikadu imprensa ne'ebé www.tempotimor.com asesu husi Gabinete Ministériu Justisa, sesta (08/07).

Ba atendimentu imprime passaporte normál ba públiku sei hahú hikas iha loron segunda (11/07).

Tanba ne'e, Diresaun Jerál Rejistu Notariadu (DGRN) Ministériu Justisa hakarak informa ba públiku ninia atensaun, komprensaun no Kooperasaun ba situasaun refere. (*)