Login to your account

Username *
Password *
Remember Me

PN Aprova Ona Projetu Lei KDA iha Jeneralidade

Memnru Parlamentu Nasional halo diskusaun no aprovasaun ba dekreti-Lei iha plenaria PN. Memnru Parlamentu Nasional halo diskusaun no aprovasaun ba dekreti-Lei iha plenaria PN. Foto Suplay

Tempotimor (Dili)-Parlamentu Nasionál (PN) iha loron segunda (20/06), konsege diskute no aprova ona projetu lei Kódigu Direitu ba Autór (KDA) númeru 41/V (4a) iha faze diskusaun jeneralidade.

“Rezultadu votasaun a-favór 52, kontra no abstensaun 0 nune'e projetu-lei númeru 41/V (4a)-Kódigu Direitu Autór aprova iha faze jeneralidade”, dehan Prezidente Parlamentu Nasionál, Aniceto Longuinhos Guterres Lopes, hafoin anunsia Rezultadu votasaun iha Plenária PN, segunda (20/06).

Ba Projetu ne’ebé mak aprova husi deputadu sira iha Parlamentu Nasionál mak meza sei haruka filafali ba komisaun G hodi kontinua halo diskusan iha faze espesialidade.

Bazeia ba relatóriu paresér ne'ebé fó sai husi komisaun G trata asuntu Edukasaun, Juventude, Kultura no Sidadania, katak projetu-lei KDA ne’e sei fó protesaun ba artista husi área hothotu tanba diversidade artístika ne’ebé eziste iha Timor-Leste.

Aleinde ne'e projetu-lei ne’e kumpre ona regra rejimentál no konstituisaun tuir analiza ne’ebé komisaun hala’o hodi fó ba PN atubele aprova iha jeneralidade no kontinua diskusaun ba espesialidade.

Ministru Ensinu Superiór Siénsia no Kultura (MESSK), Longuinhos dos Santos hatete, nia parte hato'o apresiasaun ba deputadu ne’ebé hanoin dezenvolve lejislativa ne’e atubele proteje artístika no produtór husi obra orijinál iha Timor-Leste.

Iha ne'e Governu mós hanoin katak husi inisiativa hirak ne'e importante tebes atubele kumpre kompromisu ne’ebé prevee ona iha konstituisaun hodi bele garante protesaun, kriasaun, produsaun no komersializasaun ba obra literasia sientífika, artístika direitu autór sira-nian.

Nune'e mós diploma ida-ne’e importante loos ba nesesidade urjente no fundamentu ba dezenvolvimentu Timor-Leste ho ninia alineamentu ho kontestu internasionál ne’ebé nasaun seluk vigora hela liliu ko’alia kona-ba direitu autór nian no direitu konexu ne’ebé garante ba kriadór literária, artístiku no sientífiku atu iha baze ida hanesan riku soin fundamentál nasaun nian, ne’ebé nia hun mai husi kreatividade sidadaun sira-nian.

Entretantu Projetu-lei Kódiku Direitu ba autór ne'ebé inisia husi Parlamentu Nasionál iha artigu hamutuk 222. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter