Print this page

Banku Mundiál Prontu Apoiu Servisu Kadastru no Komisaun Terras

Word Bank Country Representative, Bernard Harborne kaer liman ho Ministru Justisa (MJ), Tiago Amaral Sarmento. Word Bank Country Representative, Bernard Harborne kaer liman ho Ministru Justisa (MJ), Tiago Amaral Sarmento. Foto Suplay

Tempotimor (Dili)-Banku Mundiál liuhusi word Bank Country Representative, Bernard Harborne deklara sira prontu apoiu Timor-Leste ba servisu Kadastru no Komisaun Terras ninia.

Tuir informasaun ne’ebé www.trmpotimor.com asesu iha pájina MOP, domingu (19/06) katak, Ministru Justisa (MJ), Tiago Amaral Sarmento simu word Bank Country Representative, Bernard Harborne ho ninia ekipa iha knar fatin Ministériu Justisa, Rua Kolmera, Dili.

Iha reuniaun Bernard Harborne esplika, objetivu sira-nia audénsia ne'e, atu rona informasaun husi Minstru Justisa liga ba Terras e Propriedades no planu distribuisaun Sertifikadu Titlu nain ba Rai ba sidaduan sira.

Aleindé ne'e Bernard hato'o mós katak Banku Mundial prontu atu apoiu Ministériu Justisa iha área sira ne’ebé presiza ba futuru nafatin.

Ministru Justisa, Tiago Amral Sarmento esplika, ho tempu ne'ebé badak kuaze tinan 2022 de’it ona, Ministru Justisa sei fó prioridade ka foku ba jere Rai no Propriedades Estadu nian ne'ebé iha hodi hasa'e rendementu Estadu nian liuhusi arrendamentu sira ba Terras no Propriedades Estadu nian.

Aleinde ne'e sei foku mós ba atribuisaun Sertifikadu Titlu na’in ba Rai, foin dadauk Konsellu Ministru aprova ona dekretu lei informasaun Kadastru, nune'e hein promulgasaun husi Prezidente Repúblika, José Ramos Horta hodi Ministru Justisa hasai despaisu Ministeriál ida nune'e bele hahé ona distribuisaun Sertifikadu Titúlu na’in ba Rai ba Sidadaun sira.

Ministru Justisa mós esplika, importansia husi distribuisaun Sertifikadu Titúlu na’in ba rai ne'e sei fó benefisia Sosiál no ekonomia ba Sidadaun sira, nomós garante no asegura ba investementu internasionál sira.

Aleindé ne'e, sidadaun sira bele mós uza sertidaun refere hodi bele asesu ba kréditu ba negosiu ki’ik sira hodi hadi’ak moris.

Tanba ne’e husu ba Banku Mundiál atu apoiu téknika ba servisu Kadastrus no ekipamentus Informatika ba Servisu Kadastrus no Komisaun Trras, nune'e bele fasilita servisu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items