Login to your account

Username *
Password *
Remember Me

TR Seidauk Deklara Rezultadu Fiskalizasaun Lei Responsabilidade PR

Prezidente Tribunál Rekursu (TR), Deolindo dos Santos. Prezidente Tribunál Rekursu (TR), Deolindo dos Santos. Foto Suplay

Tempotimor (Dili)-Prezidente Tribunál Rekursu (TR), Deolindo dos Santos hatete, sira-nia parte seidauk deklara rezultadu fiskalizasaun preventiva ba lei responsabilidade Prezidente Repúblika (PR), tanba prazu iha loron 25 nia laran.

“Komu prazu ne'e PR rasik la reduz, naturalmente konstituisaun hatete bele reduz mais nia la reduz mak TR sei deside prazu 25 dias, mais ha'u iha esperansa boot katak antes 25 dias ne'e desizaun ne'e sai tiha ona, e desisaun ne'e plenária”, dehan nia hafoin audénsia ho Prezidente Repúblika, José Ramos Horta iha Palásiu Prezidensiál Bairopite, kuarta (15/06).

Maske dippoma Lei Responsabilidade PR ne'e sai preokupasaun ba Xefe Estadu, maibé TR mós la foti asuntu ida-ne'e durante hala'o audénsia ho tanba regra la permite.

“Ohin mós ha’u la diskute ho PR kona-ba buat mak ne'ebé nia husu kona-ba Tribunál atu halo fiskalizasaun ne'e regra la permite”, hatete nia.

Dadauk diploma ne'e rasik Tribunál Rekursu notifika ona ba Parlamentu Nasionál no Prezidente PN, Aniceto Guterres rasik resposta ona no hein atu Tribunál Rekursu deside iha tempu 25 dias nia laran.

“Ne’e konstituisaun mak define katak dentru de 25 dias tribunál tenke deside”, afirma nia.

Maibé ba pedidu kona-ba lei Orsamentu Retifikativu ne’ebé Prezidente Repúblika Horta husu atu halo fiskalizasaun abstrata, Tribunál Rekursu mós sei haruka notifikasaun ba Parlamentu Nasionál atubele fó resposta tanba lei ne'e hetan aprovasaun husi PN.

Ho fiskalizasaun abstrata ba lei Orsamentu Retifikativu ne’e depende ba Tribunál Rekursu atu foti desizaun iha sá loron de'it tanba laiha tempu prazu ba ida ne'e. (*)

Rate this item
(0 votes)
Last modified on Wednesday, 15 June 2022 21:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter