Ho kriasaun Supremu Tribunál Justisa mak Prezidente TR, Deolindo iha kuarta (15/06) halo audénsia ho Prezidente Repúblika (PR), José Ramos Horta hodi atualiza prosesu hari’i edifísiu.
“Ha'u fó hatene mós ba sua eselénsia katak Supremu Tribunál Justisa ne'ebé mak agora lei Organizasaun judisiária aprova ona ne'e nia pediu rasik mak seiduak iha. Ne'ebé agora iha hela faze diskusaun nia laran atu halo dezeñu ba Supremu Tribunál Tustisa nian iha tinan ida ne'e nia laran”, dehan nia iha Palásiu Prezidensiál Bairopite, kuarta (15/06).
Tanba orsamentu ba dezeñu Governu aprezenta ona no Parlamentu Nasionál rasik aprova ona atubele ezekuta ba planu ida-ne'e.
Iha lei organizasaun judisiáriu ne'e mós hatete orgaun másimu Supremu Tribunál Justisa ho Tribunál Rekursu ne'e tenke funsiona iha tinan rua nia laran.
Tanba ne'e mak Tribunál Rekursu iha ona faze diskusaun no espera sei finaliza dezeñu iha tinan 2022 nia laran.
“Esforsu ne’ebé mak ohin ha’u hato'o ne'e atu fó solusaun balun ba difikuldade ne'ebé mak ita hasoru ba implementasaun Lei Organizasaun judisiáriu ne'e”, hatete nia.
Ba kestaun Rekursu Umanu ne’ebé TR hasoru labele fó resposta di'ak ba implementasaun lei Organizasaun Judisiáriu tanba agora dadauk númeru atual juis ne'ebé iha hamutuk 36, no na'in-ida mak nia idade avansadu ona.
Ho nune'e presiza fasilita tan formasaun ba juis iha rai laran no rai liur atubele fó koiñesimentu di'ak liután ba juis ho ofisiál justisa sira hodi bele fó apoiu. (*)