“Kazu ne'e akontese lubuk ida ona ami husi parte KSTL foin lalais ami rejistu kazu sanulu (10) tanba ne'e, mak konvesaun ida atu fortifika ita-nia lei nasionál hodi bele kontra forma hothotu ne'ebé afeita husi violénsia asediu iha servisu fatin”, dehan Almerio hafoin halo audénsia ho Komisaun D iha Parlamentu Nasionál, kuarta (15/06).

Tanba ne’e, membru Konsellu Nasionál Traballu halo apontamentu ho Komisaun D Parlamentu Nasionál atu aprezenra konvensaun rua hanesan konvensaun 190 ne’ebé ko’alia kona-ba eleminasaun violénsia asediu iha mundu traballu, nomós konvensaun númeru 144 kona-ba konsultasaun tripartido.

“Konvensaun rua ne'e importanten tebes, tanba ita-nia situasaun ohin loron liliu iha mundu tomak ko’alia maka’as kona-ba halakon violénsia no asediu, liliu iha servisu fatin tanba ita hatene katak konvensaun internasionál sira seluk ne'ebé ita-nia Estadu Ratifika espesiafikamente iha servisu fatin ne'e seidauk iha”, dehan nia.

Tanba konvensaun 190 ne'e, importante ba estadu atu konsideda hodi elemina forma at sira ne'ebé bele hamosu violénsia no asediu iha mundu traballu.

Iha aprezentasaun husi Konsellu Nasionál Traballu deputadu sira konsidera nomós arbitrajen traballu ne'ebé hetan apoiu téknika husi espesialista International Labour Organization (ILO) ne'ebé introduz konvensaun rua ne'e,

Nune’e deputadu sira sei fó konsiderasaun ho seriadade atu aselera prosesu no ajuda ko'alia ho Governu atubele aselera ratifilasaun ba konvensaun ne'e, tanba normalmente liuhusi Konsellu Ministru mak bele hato’o proposta ba parlamentu hodi hetan ratifikasaun. (*)