Login to your account

Username *
Password *
Remember Me

MJ Orienta Diretór Jerál Aumenta Funsionáriu Apoiu Servisu Atendimentu Públiku

Ministru Justisa (MJ), Tiago Amaral Sarmento, observa dkireta servisu atendimentu Públiku iha servisu notariadu Munisípiu Dili. Ministru Justisa (MJ), Tiago Amaral Sarmento, observa dkireta servisu atendimentu Públiku iha servisu notariadu Munisípiu Dili. Foto Suplay

Tempotimor (Dili)-Ministru Justisa (MJ), Tiago Amaral Sarmento, orienta Diretór Jerál Administrasaun no Politika Justisa, Salvador da Costa Fernandes, atu aumenta funsionáriu ba apoiu servisu atendimentu públiku iha Servisu Rejistu Notariadu.

Tuir informasaun ne’ebé www.tempotimor.com asesu iha pájina Ministériu Justisa, kuarta (08/06) katak, Ministru Justisa, Tiago Amaral Sarmento, akompaña husi Diretór Jerál Administrasaun no Politika Justisa, Salvador da Costa Fernandes, halo vizita urjente ba Servisu Rejistu Notariadu Munisípiu Dili, tersa (07/06), hodi halo inspesaun ba servisu atendementu públiku iha fatin refere.

Inspesaun urjente ne’e hodi haree direta problema no dezafius ne’ebé Servisu Rejistu Notariadu Munisípal Dili enfrenta durante ne’e.

Dezafiu ne’ebé iha mak, espasu ne’ebé ki’ik ka klot no ekipamentus informasaun tékniku (IT) nian ne’ebé limita, no liña internet ne’ebé ladún di’ak ka la estavel, inklui menus rekursu umanu iha Diresaun munisípal Dili, liliu téknika ba servisu prosesa emisaun dokumentu nian.

Ho nune’e, Ministru Tiago orienta kedas ba Diretora Servisu Rejistu Notariadu Munisípiu Dili nian hodi kooerdena ho Diretór Jerál Rejistu Notariadu hodi bele muda kedas funsiunáriu haat no ekipamentu mai hodi haforsa Servisu Rejistu Notariadu Munisípiu Dili nian.

Iha ne’e, Ministru Justisa orienta mós Diretor Jeral Politika Justisa nian hodi haree filafali akordu ne’ebé iha entre Ministériu Justisa ho Childund no UNICEF atu oin-nusa bele halo renovasaun ba koopersaun refere hodi nune’e Servisu Rejistu bebé iha ospitál sira bele kontinua nafatin.

Nune’e bele fasilita bebe sira ne’ebé foin moris bele rejistra kedas iha Ospitál sira nune’e garantia labarik sira iha ne’ebé moris rejistradu ona iha Sentru Saúde sira.

Ba servisu ne’e husu Diretór Jerál Politika Justisa atu koordena ho Diretór Jeral Rejistu Notariadu atubele rekolla mákina ka empresora balun husi fatin sira ne’ebé ema ladun iha, atubele haforsa servisu iha Rejistu Notariadu Munsípiu Dili nian (husi Metinaro).

Iha fulan-maiu Ministru Justisa halo ona reuniaun ho Diretór Jerál servisu Rejistu Notariadu no Diretór Nasional sira iha Rejistu Noatriadu nian inklui Diretora Munisípiu Dili nian atu buka oin-nusa bele solusiona dezafiu ne’ebé diresaun refere enfrenta, tanba volume sidadaun ne’ebé trata dokumentu aumenta barak. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter